Triumphus Cupidinis. Encomium matrimonii. Nederlantsche poëmata

[p. 241]

Brvyloft Liedt.
Ghesonghen op de selfde Feeste.

Op de wijse: La Valette.

,,O Iuno hemelsche Goddinne
,,Die de ghevvenschte houvvelijcken voeght,

[p. 242]

 

Niet die vlees-lustich, maer door minne.

 

In suer, en soet te samen sijn vernoeght,

 

Die geeft ghy rijckdom ouervloedich

 

Edelheyt, eer, en hooghen staet.

 

Maeckt doch dit houvv'lijck oock voorspoedich,

 

Dat het Thalassus echt te bouen gaet.

 

 

 

O echten bant, groot sijn u crachten

 

Die soo tvvee sielen vveckt in een lichaem,

 

Ver-eent de sinnen, en de ghedachten,

 

Ia grift, en bint, door trouvv', de herten t'saem,

 

Ghelijck inde fonteyne vreuchdich

 

De schoone Nymph Salmacis reen,

 

Met Hermaphroditus jonck, jeuchdich,

 

Soo sijn dees tvvee nu ghevvorden een.

[p. 243]

 

Ghy Musen dan vvilt vreuchdich louen⁺

 

Mariam dese Bruyt die vvijs in deucht,

 

Calliope schier gaet te bouen

 

Het vvelck den Bruydegom is groote vreucht

 

Want Syrach hier van schrijft ghetrouvve

 

In sijne vvijse spreken schoon:

 

,,Een deuchdelijcke vvijse vrouvve,

 

,,Is haren mans cieraet, eer, ende croon.

 

 

 

Bosch-Goden, Nimphen, ende Najaden,

 

Brengt bloemkens nu en soet vvel riekend' cruyt

 

Als Tymis, en Lauendel-bladen,

 

Met Flora cieret bedde vande Bruyt,

 

Vlecht cranskens oock van Lauvverieren,

 

Van Olijf-tacxkens vol van vre

+ Sen. Oct. act. 2.
Vxoris virtus, non facies marito placere debet, Probitaes, fidesque, coniugis mores, pudor, placeant marito.

[p. 244]

 

Goublomkens, en van Violieren

 

Om den Bruydegoms hooft te cieren me.

 

 

 

Rust, vrede, voorspoet ende lanck leven,

 

Wenschen vvy u hier me gheluckich paer,

 

Heyl, salicheyt, en daer beneuen

 

Een hups, en schoon jonck kindeken alle jaer,

 

Op dat ghy out vervremt van lusten

 

Beuende van ouderdom

 

Op dese Stocken u moeght rusten,

 

Als u leden sijn ghevvassen crom.

FINIS.