Triumphus Cupidinis. Encomium matrimonii. Nederlantsche poëmata

[p. 245]

Brvyloft-dicht.
Ghemaeckt ter eeren van den Lof-baren Sr. Ioannes vander Ast,
Ende de Eerbare Iouff. Cornelia Henssens.

,,In alle dat natuer, natuerlijck heeft gheschepen,⁺
,,Oft dat uatuerlijk is, en is gheen meerder vreucht
,,Als het vernoeghen soet, daer't al in is begrepen,
,,Noeyt Philosoph', oft hy hiel hemels dese deucht.
,,Niemant en is hier rijck ten sy hy heeft vernoeghen
,,Een Coninck is hy wis soo Cicero bewijst,
,,Sijn seluen hy verwint, om hem tot als te voeghen

+ Iust. Lipsius.
Felix coniugiũ, vbi est animorũ, corporumque societas, & corcordia voluntariae. O vitam tunc beatam!

[p. 246]

 

,,Veel meer dan t'Keyserdom, hy t'soet vernoeghen prijst.

 

Al was Alexander groot Heer alder werelt prachtich

 

Noch was by niet vernoeght, ghelijck met a'erme Ton

 

Diogenes doen was: die tot hem sprack bedachtich

 

En sijt ghy noeyt vernoeght? waerom nemt ghy mijn Son?

 

,,Rijckdom, Ia Craesus schadt is niet, oft weynich t' achten.

 

,,Als't hert is omgherust, als het vernoeghen sneeft,

 

,,Sin, en ghemoet verstroeyt, belemmert de ghedachten,

 

,,Tien-duyst fout rijcker, is die sijn vernoeghen heeft

 

Cont ghy wel meerder vreucht? wel meer vernoeghen geuen?

 

Ohemels als ghy doet dit salich paer bemint?

 

Recht ist nu VANDER AST, recht ist wilt vreuchdich leuen

 

Nu ghy de lieue rust in't soet vernoeghen vint.

 

Enghy Corneliam, wilt u vernoeght oock noemen,

 

Laet varen t' swaer ghedacht, dat hert, en siel ontrust:

[p. 247]

 

Ist niet een groote saeck dat ghy u moecht beroemen

 

Al t' hebben dat ghy wenscht? en daer u hert naer lust?

 

,,Het is de liefde soet waer naer t' vernoeghen volghet,

 

,,Een levende fonteyn, daer vred', en rust comt uyt,

 

,,Nieuw leuens lusten oock, hoe seer den nijt verbolghet

 

,,Sijt dan venoeght te saem Heer Bruydegom, en Bruyt.

 

,,Soo sal Godts graci vast, vol segens by u blijven

 

,,En g'luckich maken u in alles wat ghy doet:

 

,,Noch meerd'ren oock u saet als Planten van Olijven

 

,,Soeckt eerst dat hemels is: soo crijght ghy ouervloet.

FINIS.

Vir. A Ioue principium.

Numine placato foeliciter omnia cedunt

Euenit aduerso nil nisi triste Deus.