Triumphus Cupidinis. Encomium matrimonii. Nederlantsche poëmata

[p. 159]

Liedeken.
Menalcus songh lest in den Mey.
Dit Liet met Mopsus inde wey.

Op de wijse: Ceu sate vieuer non son.

HOe veel vreucht ist ouer al?
t'Velt gheschildert staet coleurich
Schoon ghebloeyt is bergh, en dal,

[p. 160]

 

En met bloemkens seer soet geurich

 

Ist geciert

 

Daer t'ghediert

 

Springht, en svviert,

 

Niet is hier treurich.

 

 

 

Siet de viskens spelen bly

 

Inde vvater stroomkens vreuchdich

 

Dat den somer is naer by

 

Tuyght die slangh die haer maeckt jeuchdich

 

Zeph'rus vvaeyt

 

Die't gheblaeyt

 

Aerd', verfraeyt

 

Met vreuchden deuchdich.

[p. 161]

 

Phoebus lieffelijcken, strael

 

Doet de cruydekens vveer spruyten

 

Lustich singht den achteghael,

 

Daer de vogheltghens soet fluyten

 

Elck dier baert

 

Sijnen aert,

 

Kipt, oft paert

 

Door s' meys viertuyten.

 

 

 

Maeghden dan vvaerom ghetoeft?

 

VVilt u jeucht met lust ghebruycken,

 

Eer ghy u te laet bedroeft

 

VVant den tijt sal u ont-duycken

 

Laet de min

 

Soo langh, in

[p. 162]

 

Vvven sin

 

Niet ligghen muycken.

 

 

 

Minnaers oock verheucht verblijt

 

Om dat nu allom gheschiedet,

 

Prijst den nieuvven soeten tijt,

 

Valsche nijders-tonghen vliedet

 

V vven lust

 

Nu vrij blust

 

Streelt, en cust

 

Den tijt ghebiedet.

FINIS.