Triumphus Cupidinis. Encomium matrimonii. Nederlantsche poëmata
(1628)–Joan Ysermans–
Auteursrechtvrij
[pagina 52]
| |
[pagina 53]
| |
Die bestoruen vvas,
Comt ras,, vvilt met uvve const.
Dit, mijn liedt vercieren,
Thoont my doch u jonst.
Al d'eer,, en Lof toe-gheschreuen
Eenighe Goddin:
En meer,, Lofs, moet ick nu gheuen,
Mijn schoon herderin,
Door min,, mijn behoudenis,
Die mijn Doot, mijn leuen,
Druck, en blijschap is.
Als ick,, tusschen hop', en duchten,
Was vol rasernij,
| |
[pagina 54]
| |
Door-schrick,, doende niet dan suchten,
Droeuich, en on-blij:
Heeft sy,, my haer trouvv ver-eert,
Dus is in ghenuchten,
Mijnen druck verkeert.
Mijn Vee,, Lammerkens, en schapen
Sijn met my verblijt!
Als t'Ree,, datmen vreucht siet rapen
Inden Lenten tijt,
Den nijt,, teghen my soo groot,
Schijnt als nu te slapen,
Clappernij is doot.
Haer deucht,, vverekt nu met verlanghen
| |
[pagina 55]
| |
d'Eyndt van mijn verdriet,
Wat vreucht,, sal mijn siel om-vanghen
Als sy my aen-biet?
t'Gheniet,, van haer borstgens ront?
Van haer roose vvanghen,
En coralen mont?
Die al,, d'oorsaeck vvas voor desenGa naar margenoot+
Van mijn soet ghepijn,
Die sal,, om my te ghenesen
Nu t'ghenees-cruyt sijn,
Die mijn,, hert steedts branden ded'
Sal den middel vvesen,
Om te blussen med'.
| |
[pagina 56]
| |
O mijn,, herderinne schoone,
Ghy en niemant el
Sult sijn,, nu mijn vreucht, en croone,
Die eerst vvaert mijn quel,
Vaert vvel,, tot dat ghy m'als vrouvv',
Iont den rechten loone
Van mijn liefde trouvv'.
FINIS. |
|
