Triumphus Cupidinis. Encomium matrimonii. Nederlantsche poëmata

[p. 10]

Sonet. Ter eeren den Autheur.

WAer sijt ghy Musen nu? vvilt eenen lof beginghen

Ter eeren den Poët, die door sijn cloeck verstant,

De helden constich doet her-leuen in ons lant,

En singht in onse tael, veel schoone vremde dinghen.

Castalides fonteyn sien vvy const vloedich springhen

In ons Antwerps Parnas, by Schaldis soeten strant,

Daer vvater Nymphkens veel, met vreuchden hant aen hant

Sijn clauskens, en ghedicht, tot hun vermakingh singhen.

Comt dan Iliades die d'edel const verstaet,

Stiert sijn Const-rijcke-pen, op dat door sijne daet

Hem alle volcken nu lof, prijs, en eere geuen.

Sijn Const-vloedich-gedicht, dé geest vervvect tot vreucht

Sijn Reden-rijcke-const elck sticht, en treckt tot deucht,

Des Ysermans verstant, by ons sal blijuen leuen.

Veel deuchts vanden Bosch.