Cyrurgie

Van den Cancker die comt in den beenen.

Van herdicheit crusteren in der beenen ende canckeren die commen. meest van salsum fluma. ofte van verberrende melancoliën Ende dese siin seer quaet te cuererene. Die teekinen dat si siin van salsum fluma dats joecte ende crusteren vele ende sculferen. ende men salse cuereren weder si siin met ulceren ofte sonder ulceren in desen manieren ¶ Int erste men sal den siecken gheven des nachts alse die maghe ydele es

⁺soe salmen hem gheven pillen fetide daer of es dosis 2. Ʒ. tote eenen alver oncen. Ofte met desen navolgende pillen. ¶ ℞ ellebori nigri .Ʒ. j. scamonea .Ʒ. ½. mirabolanorum indorum sene ap̄i .ana. .Ʒ. j. turbith papaveris .ana. .Ʒ. ij. fiat pillen cum succo fumiterre ofte met wine daer fumiterre in ghesoden is fiat pillen in modum ciceris. ende men saller gheven altoes oneffene. Dosis eius est .Ʒ. ij. vel .Ʒ. j. ende als men desen vorseiden pillen ghenomen heeft dan salmen laten in die ader diemen basilica[heet] die estusschen den cleenen tee ende den anderen tee. Want dese vorseide latinghe trect hute dat bloet van melancoliën ende van alle den lichame ende doetse purgieren ende dese

+ C 81a.

[p. 214]

latinghe behoort ghedaen te wesen daer vore int capittele van malamortuum der beenen. Ende de siecke sal hem houwen van spijsen te nutten die bloet maken van melancoliën Ende men sal voert gaen in der cueren. ¶ Int erste soe suvert alle die seere scone ende dan leght der op dese nae volgende salve. Daer mede ghenestse.

¶ ℞ oleum rosarum .℥. iiij-or. seruse sulfuris .ana. .℥. j. argen-

⁺tum vivum .℥. ½. et fiat unguentum ende ten achtersten doeter in twitte van den tween eyeren et pauco aceto misceantur et ponatur in pixide. Ende eist dat sake dan (l. dat) siin stinkende ulceriën die men heet canckeren die salmen ghenesen met unguentum veneris ende suveren ende aldus salmen maken unguentum veneris.

+ C 81b.

Dit es unguentum veneris.

¶ ℞ olei olivarum in den somer .lib. ij. ende in den winter .lib. iij. scapin roet .lib. j. cere .℥. v. piscis (l. pixis) navalis .℥. vj. gum armoniac oppopenac galbanum Die gummen salmen pulveriseren subtijl ende die andere gumme salmen weiken in warmen aisijn ende dan salmen maken unguentum ponatur in pixide ende orborse. ¶ Ende daer nae salment consolideren met desen nae volgende pulver. Desen pacient wert dicken ghepurgiert ende dicken ghelaten in de adere van bazilicon in den voet alsoe voren gheseit es. ¶ Een ander. In de blanceren(?) ende scolpen ende rudicheit. ¶ Nemt starken win aisiin ende die maect warme ende daermede dwaet die stede alle dage Ende daer op gheleit eene plaster aldus ghemaect. Plaster. ¶ ℞ mellis .lib. ½. doderen van eyeren viere Dit slaet al over een ende doeter toe farina ordei dat dicke si mede te vermakene ende metter salven vorseit salment mondificeren ende in carneren.

HIER EINDIGT HS. C.