Cyrurgie

Van apostemen in der beenen.

Van apostemen in der beenen ende in der kniën ende in der voet ende eist dat vaste ghemaect ende dat groot hute blijct soe ne hevet ghene cuere. Maer int beghinsele alse den knie ende den voet beghint te werdene groet omme te apostemeren dats pijnlic omme te ghenesen. ¶ Ende als ghi siet dat is van groeten droufheit van bloede dat suldi bekennen bi den varwe ende bi der hitten. ¶ Int erste suldi beghinnen jeghen overtullicheit des bloets ende men sal hem minderen sine spijse ende men sal antieren alle weken dat keeren nae vervulthede ende men sal mitten (l. nutten) trifera minor tgewicht van .Ʒ. 2. thuris zinzibri .ana. .Ʒ. ½. Dit minget over een ende ghevet drineken

⁺smorgens tilike. In aurora. Ende men sal bestriken die aposteme met desen naevolgende unguent. ¶ ℞ pulvis aloë pulvis mirra acacia .ana. .℥. j. Dit minget te gader cum vino stiptico ende cum aqua foliorum cipressus ofte qā (l. aqua) van hertnoten. ende in die hitte salment bestriken gelic heete podagram. Ende eist dat sake dat die apostemen hute breken willen ofte hute breken. soe doet ende gheneese alsoe jou vorscreven es in dat capittel hier vore van den apostemen. cuererse ende ghenestse gelijc dat men daer leert ende scrivet.

+ C 80d.