Cyrurgie

Van dat fundament dicken hute gaet.

Dat fundament es den ers darme ende die gaet hute ende dat gaet overmidts der clappingen van den senuwen in den fondament ofte in vulva. Ende dit es de cuere welc datter hute gaet soe vulva soe dat andere. In dat erste soe suldine doen sitten metten sette in water daer dese naevolgende cruden in ghesoeden siin. ¶ ℞ balaustia gallen corticis mali granati eekelen ypoquistidos .ana. partes equales Dit doet sieden in water ende doeten daer in sitten metten stertte.

¶ Een ander. ¶ Nemt de wortele van serpentinen mele van tarwin dit minghet al overeen met water ende bact broet onder die asschen ende eet dit broet fruit dit in de panne Ende es

dat set hute smeert die handen⁺ met warmen borne daer psillium in ghesoden is ofte geweict es. ende dan doet dat set in Ende is dat set vercout dat niet in gaen mach. soe salment bayen in rooden win ende dan doen dat set weder in ende erst stroiter op dit naevolgende pulver. ¶ ℞ balaustia cipressi .ana. .Ʒ. 2. corticis lentissi .Ʒ. 3. serusa .Ʒ. j. van desen poeder. stroit der op.

+ C 79c.

Dit es een suppositorium.

Omme in dat set te stekene. ¶ Nemt pulver van gallen ciminum .ana. .℥. iiij-or Dit stampt ende maect der of suppositorium. ende stectse int set. Ofte maect dit nae volgende sackin twee ende vultse met deser nae volgende cruden.

¶ ℞ pulver van gallen pulver van cuminum .ana. .℥. v. Hier mede vullet de twee sackin. ende dan setse in reghenwater. ende men salse warme der in steken ofte der op sitten. ende als deen coel es dan salmen dander sacskin warme nemen ende alsoe doen dicken menichwarf. Een ander. Nemt rancken van wingaert met serpentinen die bernet te asschen. ende dat leght in roode win ende daer of maect loege ende van diere loge doeter in lopen met eener clistere. Ofte men sal metten sette der op sitten ende laten den wasem der ingaen dats seer goet.

Een ander. ¶ Nemt gallen⁺ eekelen balaustie ypoquistidos. sumac. corticis male granati

+ C 79d.

[p. 212]

scorssen van mespillen Dit stoet ende siedt in eenen pot over dat vier ende dan sal de siecke hem sitten ende stoven over den pot ende men sal dan gheven den siecken dyacitoniton ende diacostum et cetra.