Cyrurgie

Van den fistele in den ers darme.

Van den fistule die comt in ani dat dat [is] in den ers darme. Daer of dat somenghe (l. sommeghe) dorgaende sin ende teekinen daer of es dat hut hem lieden gaet vachede (l. wac-) ende meests wints ende sulke ne siin niet dore gaende ende huten welken ne gaen no wint no stront. Ende die fistulen die dore gaen ne ghenesen niet met medecinen. ¶ Maer sulke werden ghenesen

[p. 211]

metten werke des hants ¶ Cirugie met bindene ontwee ofte huut trecken met sickelen ende daer nae heelen ende vleesch maken met unguentum .baziliconis. maer in de werkinge der dore gaende. Ende het wert onderwilen geloset met messe sonder luust ofte wille waer bi datmen scuwet die bande op die materie ofte maniere Maer den fistulen die siin neder datmen ghecrigen mach bi den vingeren ende die mach men ghenesen met scerpen medicinen

⁺alsoe jou vorleert es in dat capittel van den fistule. Daer vindi medicinen van den fistule genouch te ghenesene ende dat met scarpen medicinen die suveren ende dit unguentum es goed der toe. Unguentum viridis. Dats lichtelic corrumpert ende ghenest den fistule ende doet vleesch wassen ¶ ℞ zwinen smout coelert lib. 4 viridis eris .℥. j. sal gemine .℥. ½. ende dit vergadert in een mortier ende stellet in dine bosse ende dese salve doot den fistule ende verdrijft quaet vleesch.

+ C 79b.