Cyrurgie

Van apostemen van couwe saken.

Ende alse apostemen commen van couwe saken in der (l. den) cullen dat selmen bekennen

bi der bleecheden ende bi der⁺ hartheden der cullen ende cleen wee ofte stecten Ende siin die cullen seer hart ende zwaer soe nemt dit plaster. Plaster. ¶ ℞ absincium molle de stront van der gheeten den stront van den osse ende duven mes Dit minghet al over een ende siedet in een lettel wiins altoes roerende ende dan doet of. ende hier of maect plasteren. ende legghet der op warme Ende men sal erst die cullen baien eermen die plaster der op leit ende dwaen ende stoven in dit naevolgeden decoctie. ¶ Nemt foliorum bismalva m. ij. malva m.j. Dit selmen sieden in drie stoepe waters eene langhe wile ende dan doent of ende stoven der over ende bayen de cullen der in altoes eer men de plaster der op legghet. ¶ Noch een ander. ¶ ℞ absincium recentis kersse abrotanum betonica

+ C 75c.

[p. 206]

sambuci ebuli .ana. m.j. sout seem gherstin mele Dit stampt al over een dan siedet met wiin van peitau over dat vier dan doet of ende daerof soe maect plasteren ende legghet laeu der op gelic dat jou vorseit es. ¶ Een ander ten selven. ¶ Nemt mele van boenen ghestampt

⁺wel cleene ende dat siedt met aisiin al slecht altoes roerende dat niet ne berne Dan doet of ende maect plasteren ende leghtse der op gelijc dat jou vorseit is ja alsoe heet alsmen liën mach. ¶ Een ander jeghen zwellinge ende zweeringhe der cullen. ¶ ℞ succi benedictum. idem cecuta .℥. iiij-or. Aisiin .℥. iij. bonen mele subtijl ghemalen Dit siedt al over een op dat vier altoes roerende dat niet ne berne ende doet of ende maect der of plasteren ende die leght heet der op Dit doet sceeden certissime. ¶ Een ander ten selven. ¶ ℞ tapsum barbatum urtica parvam herba violarum malvam furfuram .ana. manipulum .j. Dese cruden snit al in cleene sticken ende doeter toe de bladeren van ebuli sambuci absincii ende rosen et pallias alliorum .ana. m. ½. Dit stampt al over een ende siedet in wine tote dat slecht is. Dan legghet warme der op gelijc dat vorleert es Dat sel wel de siecheit sceeden. ¶ Een ander. ¶ Noch ten zwellinghe den cullen commende van couwe humoren. ¶ ℞ Nemt bonen venigriec liinsaet anijs coriandre camamillen blommen .ana. partes equales. Dit stoet in pulver

⁺ende dan siedet in witten wine peitou ende dit plaster der op gheleit sceet. Hier an scrijft van mester louic van macke.

+ C 75d.

+ C 76a.