Cyrurgie

Van eenen siecheit in den cullen die men heet .Erina.

Van Erina. in den cullen daer of siin twee manieren alse Erina Carnosa dats te segghen in vlaemsche vleesch carnouffel. ende daer es een ander manier dat heet men Erina ventosa dats te segghen in vlaemsche wint carnouffel Ende men sal weten wint carnouffels niet en eist omme ghenesen Dan datment hute sniit subtijlic gelijc dat men siin (l. snijt) van den ghescorden cullen balch dore ende dat langes den lichame ende dan salment hute pellen ende snident van den darmen daer die cullen mede hanget. ende dat selmen dore steken. ende dore cnoepen alsoemen doet van den ghescorden. ende die siecke sel ligghen al in den maniere ghelijc datti leit van den ghescorden ende hi

sel alsoe eten ende drincken⁺ maer men sel die wonde heelen al eens gelijc dat heelt in ghescorden diemen sniit hets al eens. Ende men es sculdich dat einde van den darme te cauterizeeren met eenen gloyenden heeten ysere ende dat selmen doen omme dat die carnouffels niet weder soude groyen. Ende men sel wachten den draet ende den cnoep buten hanghende tote datti of vallet. ende vermaken ghelijc ghescorde.

+ C 76b.