Cyrurgie

Warachtige prove omme dat laserscap te kennen.

Ic sel jon leeren die warachtige ende propere proeve omme alle die vorseide speciën

⁺te kennen. ¶ Int erste hem commen toe vele prekelingen ende die gaen ghereet wech ende commen weder ende oec siin si onghevolic van den billen toten voeten ende handen ende alsmen stect int tafterste van der dien met naelden ofte met eener griffele ofte desghelike hine ghevoel es niet ende ondertijden den anderen leeden daer naest si hebben gherne cout ende dan slapen si ende aldus verliesensi dat ghevoelen bi horen verrotten humoren.

Een ander prove. Nemt horen bloet alsi ghelaten siin ter aderen. ende daer op leght .iij. chornen souts dat sout sel smelten te hans Dat en selt niet op dat bloet van eenen ghesonden mensch.

Noch een ander. Nemt van den bloede ende wrivet in dine palmen ontwe ende merct of dat bloet vet is Dats teekin van verrotten hu(m)oren. Noch horen huut es seer dinne ende glise ende dat namelic int vorhooft ende in dat ansichte ende in de rechtinge ghelecker ⁺ghelijc oft ware besmeert.

Van ceteren. Ende alsmen ceteren gheneset die si plegen te hebben si commen haestelic weder ende hem wassen botsen alse wannen ende alse een mester cuerert si commen haestelic weder ende ware datmen dat lijf nat maecte met watere nat het es hans (l. tehans) droghe alse

ofte dat lijf vet ware. ende si⁺ spreken doere horen nese ende si moghen qualic verademen. ende horen adem stinct Dat siin die teekinen maer men sel weten dat somtijts stinct den ademe ende dat comt somtijts huter maghen ende somtijts huter hersinen ende horen zweet. ende men mach hem⁺ wel branden dat si luttel ghevoelen der of ofte niet. Ende in elefancie horen haer valt. Ende aldus seit Avicenna eist dat laserie si bekent over alle den lichame Dit es de laseriën natuere. si siin met diverschen oghen. ende sine betrrouwen niement ende si siin seer nidich si wouden wel dat al de werrelt lazers ware si werden lichtelic gram ende si zweeren quade heeden ende si cortsen luttele ofte niet al waert dat si cortsen dats seer onlange Want quame hem den vierden dach de corts ende dat iet lanc duerden si waren ghenesen. Die handen van den laserschen mensche soude den ghesonden menschen lasers maken ende omme die vreese versetmense van onder de lieden dats gheordineert in dat oude stestament ende in dat nieuwe.

Avicenna seit dat de natuere van den laseresman es dat aller beste bloet datti heeft in sinen lichame ende hi prouft dat bi robbaert diet scrijft dat die lasers-

man die verrot es over al siin⁺ lijf dat die natuere subtijl es. wint soe vele goets bloets in den lichame van den laserschen. datti wint een gans kint. Ende hieromme raet hi den laserschen man die wesen wil in langhe leven datti niet ne si met wiven ende dat ne mach hi

+ C 56c.

+ †

+ C 56d.

+ †

+ C 57a.

[p. 178]

niet ontbeeren alsoe lange als hi ghesont es nederwart. Hierbi soe raet Avicenna ende vele ander mesters dat de laseres mensche sal hute doen sinen cullen ende dit sel hi doen omme sinen lijf te verlangene ende wilde men oec doen de cuere die welke niet mach siin in de gheconformerde laserie ende soude men dat scriven dat selmen doen bi eenen vroeden physisien.