Cyrurgie

Cap. 25.
¶ Hoe die dyesci(n)ke(len) es gemaect boven³⁾.

Die dyescinkel es .1. led boven ront gelijc ere bollen. ter middewert cleinst. boven es .1. zenewe cort vestende in die hanke die hol es gelijc enen grade. daer die dyescinkel in plegt te stekene. so welc tijt dled uut siere steden comt⁺ die zenewe lanct hare. Eist dat de dyescinkel binnen den iersten .3. dagen niet en wert gedaen in sine rechte stede. Te diere stede daer de pine es comt al dat bloet vanden live ende vergadert daer. Ende

3) G: Hoe dat die scinckel ghemaect es.

+ G (11)d.

[p. 159]

somtijt vorten die zenewen daer bi. so dat die gene gefisteleert ⁺blijft daer bi. Eist dat si niene vaet. dat bloet datter gevallen es nederwert vergadert te vlesce ende wast in die hanke daer dbeen in stac. want dat vol vleeschs es gewassen. so en mach nemmermeer dat been comen in sine rechte stede. dore dat tfleesch buten hout. ende om dat van ierst niet wel was berecht. so blijft die gene ewelijc manc gaende. so wat menre ⁺daerna toe doet het blijft verloren. ¶ Sulke meesters gebieden te badene ende te zalvene ende cironen daer op te leggene. Ende si doen quaet. Want die zenewen sijn cout bi naturen. bi dat men badet ende zalvet recken die zenewen. of die proper zenewe daert an gevest es wert also vele te langere dore der verscheit wille vander zalven. dat de gene also vele te meer blijft manc gaende.

+ †

+ G (12)a.