Cap. 24.
¶ Va(n) de(n) dyescinkele ut(er) stede1).
Die dyescinkel mach uter stede gaen bi valne of bi springene2). Eist dat ment niet en bringet in sine rechte stede weder eer die derde dach lidet. hi blijft ewelike manc. ¶ Men es sculdech te nemene den genen bi den voeten. ende te hangene met ere dwalen an enen balke. Ende een [ander man G] ligge overdweers des geens lichame ende treckene nederwert dbeen daer bi te treckene [ende te rechtene ende G].
+die meester staende besiden den +zieken. heffende die vust slaende iegen dbeen datter uut es. het sprinct weder in sine rechte stede. op te heffene dbeen ende te besiene oft op ende neder gaet. te wesene seker daeraf oft wel in sine stede es. scroden genet int wit vanden eye of iegen dat die tijt eischt als vorseit es. ende die so lanc datse al om den lichame werden gewonden. te perssene dbeen iegen dander dat het in sine stede blijft. ende also te latene toten derden dage liggen. ¶ Alse men daer toe comt af te doene die scroden ende te besiene oft op ende neder rijt. Ende te badene dien pacient ende te zalvene [ende+ G] ene scrode geleit op die quetssinge. ende gebonden met langen scroden. viertien dage te achter-waerne. die scrode te veranderne van drien dagen te .3. dagen ende dan op te gevene genesen. Eist dat hi in hem gevoelt enegerande quetssinge daeraf te gebiedene te badene ende te zalvene tote hi genesen es.