Cap. 22.+
¶ Van handelingen te v(er)stane.
Galienus seit ons dat men alle dinc es sculdech te handelene int begin ten sachsten. want van tween bordenen es de lichtste swaer gnouch. omme dat hi wiste die macht vander menscelijcheit en messeide hi niet daer an. al hadde hi mesdaen hi const wel betren. Het heeft dicken geweist gesien. dat lieden hebben geweist tongemake dat si so lange geacht(er)wert siin met sachten dingen. dat si daer bi bleven verloren. Oec dede men andere int begin so harde handelingen ende so sware dat siere bi storven ende bleven verloren. Daer bi radic elken mensce die werken wille. dat hi so niet en doe. dat hi dat dogen meerre.