Cyrurgie

Cap. 8.
¶ Va(n) g(ra)te(n) of bene(n) gescote(n) i(n) de kele⁷⁾.

Alse een been of graet van enen vissche verwert in der menscen kele. dan so stelt den mensce dat sine kele es in die lucht of in die zonne. waerbi dat gi moget zien⁺ te diepere in die kele. ende vellet⁺ die tonge⁸⁾ [met enen houtken of L] met uwen dume. also u vorleert es. ende alse gijt ziet so steket⁹⁾ ute so gi ierst moget. Ende het es oec goet dat gi den mensce doet eten so gi meest moget. ende dan doeten keren die spise eer si begint verteren in die mage. ¶ Ende en wert die mensce niet delivereert vanden bene metten

7) C: Van dat een been ofte een graet verwerret in der keelen. G: Alse een been oft grate van vysche ghescoten es in die kele. L: Van bene of van grate die verwaert in die kele.

+ G 101b.

+ C 46d.

8) L: duwet die tonghe neder

9) L: trect

[p. 132]

keerne. so maect vaste an enen sterken draet .1. cleine stickelkijn van ere spoengiën. dewelke gi doet den mensce swilgen die dat vorseide been in heeft. dewelke spoengie gi selt uut trecken metten drade diere an es gecoppelt. Ende dus sal dbeen of graet verwerren in die ruheit vander spoengiën. Of hi swilge .1. herde corste brodes. ⁺dewelke hertheit te rechte sal doen dalen.

+ G 101c.