Cyrurgie

[p. 83]

Cap. 16.
¶ Van scorfde(n) oge(n) e(nde) va(n) rootheide(n) e(nde) va(n) joocten i(n) doge(n)¹⁾.

Dits van scorftheiden vanden ogen dat si binnen root siin ende zere jooken. ende

⁺si siin .1. luttel geswollen of si siin zere root entie swillen met groter joecten ende lopen ende joken²⁾. Ende onderwilen comet vanden optalmen van den oge appelen die gi moget kennen bi dat dwitte vanden ogen root es ⁺so dat al doge verstormt. ¶ Dierste cure es datmen die optalmen genesen sal metten coliriën ende metten andren werken alst vorseit es. Ende of die optalme cleine es metter joocten ende met der scorftheit. so mach mense hier met genesen. ¶ Nemt groene coperroet ende legget in witten wine. dat esser goet toe doge daer met gedwegen. ¶ Ende en helpt dit niet. so nemt die rode colirie. die u voren geleert es. Ende en helpt dit niet. so nemt die groene die starker es. ende doeter met als u vorleert es.

1) G: Vanden scorftheden van den oghen. Ontbreekt in C en L.

+ B 126c.

2) In G schets van een instrument, zonder nadere beschrijving.

+ G 60a.