Cap. 15.
¶ Va(n) poe(n)tkine(n) die gevalle(n)Ga naar margenoot+ va(n) geslagene(n) oge(n) blauGa naar voetnoot4).
Het werden poentkine in doge onderwilen van datmen den lieden slaet blauwe ogen. ende dan so bliven daer na dat si siin genesen onderwilen rode poentkine. of bi sterken optalmen. of bi vervultheiden van bloede. bi den welken dat eneGa naar voetnoot5) monden vanden adren ontdoen ende maken poentkine in dogen die root siin. Ten welken es goet dbloet van jongen duven dat ment doet drupen al heet in die ogen uut .1. adren die es onder den vledric ende dat doet lopen met ere naelden. Ende oec es hem goet dat .1. wijf melke in siin oge met haren borsten. ¶ Die droocheide vanden ogen comt onderwilen van joocten. entie geneest metten witte van eye wel cort geslagen ende dat cortte daer in gedaen. EndeGa naar margenoot+ men geneset oec metter witter coliriën remes. die u es geleret maken hier voren. ¶ Entie joocte geneest men met aloës epatic gepulvert ende dat gedaen in .1. cleine sackelkiin ende geleit in witten wine. ende die wiin gedrupt in doge met enen cleinen lepele.
Auteursrecht onbekend