Cyrurgie

Cap. 8.
¶ Hoe vele ma(n)iere(n) va(n) dese(n) smette(n) e(nde) tekene(n)⁴⁾.

Dierste smette die verbaert hare als .1. clein ront sandekiin optie zie. ende dat doet vervulte van bloede dat loopt ten ogen met sweringen geminct. Dandre verlicht⁵⁾ hare optie zie alse .1. scelle ⁺van enen vissche. die derde verblict hare an deen zide vanden oge alst ware ene vlocke snees verdrinkende int water. Die vierde es alse hem al die oge verblijct wit. so dat men niet en mach gesien vander zie. dwelke es swert bi naturen. Nu wetti hoe die smetten comen in die ogen. ende in hoe meneger manieren die zie si besmet es geseit in groeten. Nu willic spreken bescedenlike van elken sonderlinge.

4) G: Vander ierster smetten die haer verbaert. Ontbreekt in C en L.

5) G: verblycht

+ G 55c.