Belgisch museum voor de Nederduitsche tael- en letterkunde en de geschiedenis des vaderlands. Deel 7
(1843)–J.F. Willems, [tijdschrift] Belgisch Museum–
Auteursrechtvrij
[pagina 229]
| |
Dit sijn drie papegayen sprekende den prijs van vrouwen.Ic sach enen groten boem
Staen, daer ik boven goem
Nam van drie papegayen.Ga naar voetnootVs 2, 3
Dit sprac denen van den frayen:
5[regelnummer]
‘Reine vrouwen ende goede wijf
Sijn mijns herten leids verdrijf.’
Dander papegay sprac:
‘Reine vrouwen zonder lac,Ga naar voetnoot8
Schemel ende van sconen seden,Ga naar voetnoot9
10[regelnummer]
Prisic op den dach van heden.’
Dit sprac die derde papegay:
‘Jonge vrouwen scone ende fray,
Vol dueghden ende wel ghemaniert,
Daer wert elc hof met versiert.’
15[regelnummer]
Hier gheve ic mijn consent toe,
Dat ic alle vrouwen doe
In werdecheiden ende in eren;
Want ridderen, ende heren,
Wapentuers, ende scilt knechtenGa naar voetnoot19
20[regelnummer]
Setten al har ghedechten
Op reine vrouwen ende op goede wijf;
Daer si menechwerf haer lijf
Ende haren scat om aventuren;
Want ic lese, in der schriftueren,
25[regelnummer]
Dat vrouwen hebben groten prijs.
Ende en was nie man soe wijs
Hi en was vrouwen onderdaen.
Ominius doet ons verstaen
Dat vrouwen sijn ghenadich,
30[regelnummer]
Goedertieren, ende gheradich,
| |
[pagina 230]
| |
Ende gehulpech elken man
Die wijslijc hem vertalen can;Ga naar voetnootVs 32
Want si sijn goet van gronde.
Hieraf willic een orconde
35[regelnummer]
Draghen: Soe waer dat es te doene
Vrouwen hebben meneghe soene
Toe bracht, ende meneghen pais.
En es geen soe groet solaes
Als dat vrouwen maken connen:
40[regelnummer]
Ic meine ene die metter sonnen
Edelec es ghepareert:Ga naar voetnoot40, 41
Die viant hadde ons verteert,
En hadde ghedaen dese edel vrouwe,
44[regelnummer]
Die ons loste uut allen rouwen!
Handschrift in de bibliotheek van Bourgondie te Brussel (Bibl. Hulthemiana, vol. VI, no 192). |
|