Belgisch museum voor de Nederduitsche tael- en letterkunde en de geschiedenis des vaderlands. Deel 2

Ordonnantie wegens lykkleederen en baerkeersen, te Brussel, in het jaer 1326.

Allen den ghenen die dese letteren selen zien ende hoiren lesen Deken ende Capittele van der kerken van sente Goedelen in Bruessele, Scepenen, Raet ende goede lieden gemeinlic van der selver stad, saluyt in onsen heere, met kennessen der waerheit. Om alle discorde ende twist, die dicwile geweest hebben, ende namaels wesen mochten, tusschen ons Deken ende Capittele in deen zide, ende ons Scepenen, Raet ende de goede liede gemeynlec van der voirscreven stadt in d'ander zide, te satene ende in goeden pointe te settene, alse¹ van den cleedren, keerssen, ende andren gevallen van den lijken, ende uutleeden², die gebruyct hebben, ende namaels gebruyken selen des voirdeels ende der eerachticheit des choers van der voirscreven kerken van sente Goedelen, dair inne staen ende geset selen werden: Soe hebben wy, eendrechtechlec, met rijpen ende voirsienegen raide, om tgoet van payse ende van eendrachticheiden, hieraf een ordinance ende statuyt gemaict, geset, ende geordineert, gelijck dat hier na bescreven es, die welke ordinantie ende sta-

1 Alse, als namelyk.

2 Uutleeden, uitvaerten.

[p. 170]

tuyt wy gelooft hebben ende geloven gemeinleke, ende elc van ons, in goeder trouwen, voir ons, onse hoir ende nacomelinge vaste, gestade ende ombesmettelec te houdene, voirtmeer¹ teeuweliken dagen, sonder argelist.

Ierst werven setten wy ende ordineren: Soe wat lijke ofte uutleeden gebruycken sal der vrijheiden tsvoirdeels ende der eersamheit van den voirs. chore, daer in staen geset ende begaen sal werden, soe waer oft in wat steden dat begraven ende ter eerden gedaen werdt, dat wy Dekene ende Capitelen gemeinlec van den keersen, die opt lijc ende duutleede selen staen, ende van den cleedren, die dair toe behoiren, diere op selen liggen, behouden ende hebben selen deene helicht, ende die voirscreve kerke van sente Goedelen te haren wercke ende behoeften die andere helicht, uutgenomen den cleedren, keersen, ende alrehande andere gevallen, die comen selen van vry edelen lieden, die in den voirs. staen selen, ende groten tortijtsen², cleinen keersen ende offeranden, ende alle voirs. lijken ende uutleeden, die Dekene ende Capitele voirgenoemt geheelec ende al bliven selen ende toebehoiren, uutgesceiden³ oic allen den cleedren, keerssen ende andere gevallen van clerken⁴ die subdiaken sijn, ofte dair boven gewijdt, die ons Deken voirgenoempt van ouder costumen ende sonderlingen previlegien alleene selen bliven ende aenehoiren.

Voirt, omme dat wy niet en willen dat de cautschiede⁵ van Bruessel ende die bruederscip van mijns heeren sente Eloeys yet gecranct oft geverret sy van haren rechte, dat zy van oudts haer⁶ hebben bracht; mair dat zy gestarct werden in salegen werken ende in allen goeden dingen, soe setten wy, verclaren ende ordi-

1 Voirtmeer, voortaen.

2 Tortijtsen, toortsen.

3 Uutgesceiden, uitgenomen.

4 Clerken, geestelyken.

5 Cautschiede, kassydebelaeting.

6 Van oudts haer, van ouds her.

[p. 171]

neren, dat die cautschie sal hebben tvierendeel van der weerden van den keersen, die om dlijc ende uutleede selen staen, van den poirteren, poirterssen ende simpelen clercken, die in den voirs. choer geset selen werden; ende die bruederscap mijns heeren sente Eloeys sal haer recht hebben van elken poirtere, poirtersse van Bruessele ende simpelen clerc, die in den voirs. choer gesettet werdt, ofte daer duytlede in den voirs. choer gedaen werdt, die in de bruederscap es mijns heeren sente Eloeys. Ende der voirs poirteren, poirterssen ende sempelre clercke goet, haer vriende ende nacomelinge selen gelden ende genoeg doen met den hueren¹ der cautschieden ende der bruederschap mijns heeren sente Eloeys voirgenoemt, van haren rechte dat zy tot haere² gehadt hebben; behoudelec altoes dien, dat ons Deken ende Capitel de eene helicht, ende der voirgenoemder kerken dander helicht van cleedren ende keersen van poirters, poirterssen ende simpelen clercken, die in den voirs. choer geset selen werden, ewelec ende altoes clerclec ende ongemindert bliven sal ende aenhoeren, gelijc dat boven bescreven es.

In orconscape ende vestingen van welken dingen wy onse gemeyne segele aen dese letteren hebben gehangen, die gemaict waren ende gegeven int jair ons heeren doe men schreef dusentich drie honhert sesse ende twintich, des dijscendaeghs na sente Claes dach, in den wintre.

Afgeschreven uit de Historia Brabantiae diplomatica van A-Thymo, deel II, fol. 128, recto, HS op parkement van de XV eeuw. De brief wordt ook gevonden in het HS Den core van Bruessel, berustende by het historisch Museum van Gent, en is aldaer gecoteerd N^o 21.

J.F. WILLEMS.

1 Met den hueren, met al de hunnen.

2 Tot hare, tot her, tot hier toe.