Leven van Sinte Amand, patroon der Nederlanden. Dichtstuk der XIVe eeuw

Dit es 't hende van den bouke.

Nu eyst tijt, dat ic een hende

Make van deser legende,
Die ic in vlaemsche hebbe ontbonden,
Van Sente Amande, die t'aller stonde
Sijn leven voughde in grooter duecht,
Daer die menighe bi wert verhuecht,
Die welke hi bekeeren dede
Ten salighen gheloove van kerstinhede,
Alsoo 't hier voren staet ghescreven.
Desen bouc hebbic ghegheven
Ende up den xxvij^sten dach,
Die men in laumaent tellen mach,
Als in 't karnacioen stont openbare
Ghescreven XIII ondert jare
Ende LXVI daer toe mede.
Te Brugge in die goede stede
Was dese legende eerst ghemaect.
Nu bidden wy hem, die al naect
Hinc in der crucen hout,
Om af te dwane onse scout,
Dat hi se moeste ghebenedien
Ende van allen sonden vryen,
Die dit in goede sullen verstaen,
Want ic hebt na mijn beste ghedaen.

[p. 210]

 

Alle die 't lesen sullen ende hooren

 

Moeten vervullen die hooghe cooren,

 

Daer Lucifer af gheworpen was,

 

Hi die moet hem jonnen das,

 

Die staerf te Jerusalem,

 

Ende alle sielen requiem.