Leven van Sinte Amand, patroon der Nederlanden. Dichtstuk der XIVe eeuw

Dit es den name van hem die desen bouc eerst dichte.

Een mijn vrient heeft mi ghebeden,

Dat ic door hem t'eenigher stede
Minen name dade bekent,
Dies so dedic mijn talent,
Om dat ic hem payen soude
Ende dat ic ooc niet en woude
Al te seere sijn benaemt mede,
Om datmen in eenighe hoveerdichede
Mochte merken dat ic 't dade;
Ende wert alsoo in mi te rade,
Dat ic mi soude in sulken avise
Nomen, dat hy in vroeder wyse
Moeste verdocht sijn ende voort gaen,
Die minen name soude verstaen.
Dus beghinne ic, nu wilt mi hooren.
Twee silleben in minen name siet,
Ende elke sillebe verstaet bediet,
Es ghespelt met letteren drie,
Daer af es dierste, nu hoort na mie,
Sonder ghetal wesende vercoren,
Die sevende die staet in 't a.b.c. voren,
Dandere twee letteren hebben ghetal in
Van I ende L, no meer noch min.

[p. 208]

 

Dander sillebe van minen name

 

Heeft oec drie letteren sonder blame,

 

Dies ghetal hout van den tween

 

Contrarie den anderen L ende I,

 

Ende oec so esser een lettre bachten,

 

Die hem van ghetale moet wachten,

 

Maer van den a.b.c. ten achtersten hende

 

Es so de neghenste wel bekende.

 

Dus die mire namen willen sijn cont,

6380

Besouke in siere herten gront,

 

Waer hi dit ghetal in namen vinde

 

Ende dan mi te noemene bewinde.

 

Nu hebdi minen voorname ghehoort,

 

Dies wisic hu minen toename voort

 

Daer men twee woorden in mach verstaen:

 

't Eerste woort heeft maer eene sillebe ontfaen

 

Met twee letteren wel ghespelt,

 

Dies deerste lettere D telt

 

Ende dandere en heeft gheen ghetal in,

6390

Maer dandere vocael es no meer no min.

 

't Ander woort twee silleben uut gheeft

 

Ende elke sillebe drie letteren in heeft,

 

Die houden die eerste twee letteren ghetal,

 

Die elke V maken over al,

 

Die derde lettre van der sillebe mede

 

Es dander vocael in elke stede,

 

Die achterste sillebe van den woorde,

 

Daer minen name in endt bi accoorde,

 

Heeft in drie letteren, deerste telt V,

6400

Dander es sonder ghetal, als ic scrive,

 

Ende dander vocael, dies goomt,

 

Voort dachterste lettre men L noomt.

[p. 209]

 

Nu hebdi minen name ghehoort

 

Door mins vriends bede, dies siet voort

 

Die somme van den ghetale mede,

 

So vindi D.C. ende LXVII te deser stede.