Leven van Sinte Amand, patroon der Nederlanden. Dichtstuk der XIVe eeuw

Hoe Bave vertooghde sijn verscheeden Sente Lievine ter ander wile.

Nu hoort waer dien gheest bequam

Als hi an Amande orlof nam.
Hi vertooghde hem up d'ander wile properlike
Voor Sente Lievine van duechden ryke
Al over die zee in Scollant daer
Die helighe man stont voorwaer
Ten outare ende messe dede.
Nu verstaet wat hi seide:

[p. 130]

 

‘Helich vader, ic bidde hu dat ghi

 

Mijns ghedijnct, want ic sy

 

Verbeidende cort die salighe huere

 

Te sceedene van der broosscher natuere.’ -

 

‘Wie bestu dan?’ sprac die helighe heere,

 

‘Ic bem Bave, die wilen heere

 

In mesdaden was sonder ghenoot,

 

Ende dien Amande, die heere groot

 

Brochte in eene wisselinghe,

3950

Daer ic bi verkeerde al mijn dinghen.’

 

Dit seide Bave ende hi schiet

 

Van Sente Lievene, die niet en liet

 

Als hi de messe hadde ghehendt,

 

Hine deet den volcke sijn bekent,

 

Ende sprac aldus ende seide:

 

‘Die grondeloose moghenthede

 

Van Gode es te verwonderne altoos;

 

Mi sprac hier nu an een voos,

 

Ende die gheest van eenen vercoornen man,

3960

Daer vele helicheden lach an,

 

Het es die goede monc Bave,

 

Die van den Rine was palesgrave

 

Ende van Aspergouwen mede,

 

Heere van grooter moghentheden;

 

Dese liet door Gode al sijn goet,

 

Ende heeft hem ghestelt in grooter ootmoet,

 

Ende in rechter armoeden bi dien

 

Dat hi Gods gracie woude ansien.

 

Nu eyst met hem so verre comen

3970

Dat hi noch heden die groot vromen

 

Vinden sal, want hi sal gheven

 

De siele te Gode, ende laten 't leven,

[p. 131]

 

Dit heeft hi vertooghet nu

 

Mi recht hier, dies biddic hu

 

Dat ghi hu voughet in duechdeliken dinghen,

 

Want ic sal gaen messe singhen

 

Ten grave van den goeden man,

 

Daer so groote duecht hanghet an.’

 

Dus nam hy orlof, ende schiet van daer,

3980

Ende quam te Ghende waert voorwaer,

 

Dies ic hu nu hier late bliven,

 

Maer hier naer salicker af scriven,

 

Als't comen sal te siere stat,

 

Ende daer die redene besluut van dat.