Leven van Sinte Amand, patroon der Nederlanden. Dichtstuk der XIVe eeuw

Hoe de conijnc van Vrankeryke voer te Pevele ter dachvaert, door die bede van Sente Amande.

Die bisscop Arnoud heeft dit ghehoort,

Ende gaeft den coninc te kennene voort,
Ende verbat hem dat hi mede
Varen wilde te diere stede,
Dus voer die coninc bi dien
Met bisscop Arnoude, om dat hi sien
Ende hooren wilde den rechten gront
Van der disputacien, dat si hu cont;
Ooc ne wilde die coninc niet
Dat den Jueden hiet meschiet,
Want hi van den Jueden ontfinc
Grooten scat in waerrer dinc,
Om dat hy hem ghebruken liet
Van haerrer wet, verstaet dbediet,
Binnen sinen lande sonder ghedochte.
Heden 's daechs men sien mochte
Vele heeren doen in menich land,
Nochtan eyst, si hu becant,
Jeghen gheloove ende ieghen die wet,
Die ons in kerstinhede es gheset,

[p. 65]

 

Maer Daghobeert, die coninc,

 

Al waest dat hi 't goet ontfinc

 

Van den Jueden, hi soude sien

1960

Gheerne dat si wouden plien

 

Kerstin gheloove; bi haeren consente,

 

Dus quam die coninc ten paerlemente.

 

Ooc quam daer anders menich man

 

Om die disputacie te hoorne an,

 

Beede kerstine ende heydene mede,

 

Ende bleven so langhe te diere stede

 

Dat die tijt was vulcomen,

 

Daer dien dach up was ghenomen.

 

Van Vrankeryke selve die conijnc

1970

Besochte neerenstelike omme die dinc

 

Of die kerstine souden ontstaen

 

Moghen, ende in die studacie gaen,

 

Want hi vreese hadde van dien

 

Bi der hooveerde, die hi mochte sien

 

Regneren onder die Jueden fel,

 

Maer als hi hadde verstaen wel

 

Wie si waren die kerstine goede

 

Ende van Amands ghestaden moede

 

Dat hi so ghestadich ware,

1980

Dat hi hem reverencie dare,

 

Ende bat hem allen door sine bede

 

Te wesene in goeder voorsienicheden,

 

Maer Amande dedi boven al

 

Heere ende weerdichede niet smal,

 

Ende seide, waert dat hem niet ghebrake,

 

Men sout hem beteren in warer saken.

 

Die bisscop Arnoud voughde hem mede

 

Bi Amande te sine t'elker stede,

[p. 66]

 

Omme te merkene sinen moet

1990

Of hi ghestade was ende vroet.

 

Dus bleven si daer, sy hu cont,

 

Tote dat quam up die stont

 

Dat die dach ghenomen was,

 

Entie coninc, gheloovet das,

 

Dede alle ghereescepe maken,

 

Die behoort te sulker saken.