Leven van Sinte Amand, patroon der Nederlanden. Dichtstuk der XIVe eeuw

Hoe Amand trac te Haspergauwen, ende in sinen wech bekeerde Aelst, Dendermonde, ende dland daer omtrent.

Ghi hebt hier voren wel verstaen

Die redene, die Amand ontfaen
Heeft van Baven ende Adeltruut,
Die den coopman ghehalp huut

[p. 129]

 

Der vanghenessen, ende hem sprac

 

Redene, die hi Amande vertrac,

3960

Ende voort hoe hi hem te wetene dede

 

Haerrer beeder leven ende seide;

 

Ende als 't Amand wel verstoed,

 

Bleef hem voordan in den moet

 

So seere, dat hi niet ne mochte

 

Gherusten, maer al sijn ghedoochte

 

Sette hi, omme te gane daer,

 

Ende de woorden te makene maer

 

Van dat hi menich waerven sprac,

 

Die ic hu hier te voren vertrac.

3970

Doch dat hi up eene stond

 

Daerwaert ghinc, ic maecs hu cond,

 

Ende ghinc so verre dat hi quam

 

Binnen Aelst, daer hi vernam

 

't Folc ongheloovich ende fel.

 

Amand ne gheerde niet el

 

Dan hoe hi se bekeeren mochte,

 

Mids Gods gracie, diere in wrochte,

 

So heeft hi also vele ghedaen

 

Dat si gheloove hebben ontfaen,

3980

Ende daden hem doopen in Christus name.

 

Dit wert Amande seere bequame,

 

Ende ghinc al omme weder ende voort

 

Predeken, ende orconden Gods woort

 

Te Nieneve ende te Gheeraerdsberghe mede,

 

Entie ommesaten, dats waerhede,

 

Worden kerstijn al omtrent,

 

Tusschen Braband ende Ghend,

 

Hulst, Accele ende Dendermonde;

 

Niet ne weetic hoe langhe dat stonden

[p. 130]

3990

Datter Sente Amand an wrochte,

 

Maer in 't hende hijt volbrochte

 

Dat het kerstin wert groot ende cleene,

 

Vlaenderen duere alghemeene,

 

Maer die van Aelst, des sijt vroet,

 

Waren d'achterste, als ic verstoed,

 

Die ten kerstinen gheloove quamen.

 

Als si waren van alder blame

 

Ghesuvert, ende gheloofden ganselike,

 

So troc Amand van duechden ryke,

4000

So hi naest mochte metter vaert

 

Den wech te Aspergauwen waert,

 

Ende quam so verre in goeder trouwen,

 

Dat hi gherochte in Aspergauwen,

 

Daer Bave grave ende heere was,

 

Als hi daer quam, gheloovet das,

 

Wert hi predickende met woorden scoone,

 

Hoe dat Christus van den troone

 

Nederdaelde in deser noot,

 

Om dat hi in woorden ende in exemple groot

4010

Al de weerelt wilde leeren,

 

Hoe dat hem elc soude bekeeren

 

Ter duecht ende ter salichede

 

Van der eeweliker behoudicheden.