Leven van Sinte Amand, patroon der Nederlanden. Dichtstuk der XIVe eeuw

Exemple, die ons Amand alle leert ende prouvet bi sinen ghewerke.

Nu hoort ghi lieden alle ghemeene,

Beede groot ende daer toe cleene,
Knapen, joncwive, vrouwen ende heeren,
Eene duecht es te prisene seere,
Die Amand ghetidelike seide,
Ende daer hier af exemple dede.
Ic wilt elc mensche hadde voor hooghen,
Ende hier omme wilde poghen.
Het soude te beter sekerlike
Werden up al eerderyke.

[p. 128]

3930

Hi seide aldus, ende hi deet naer,

 

Ic ne soude nemmermeer voorwaer

 

Dinc willen begheeren, om dat si mi

 

Orboorlic waren, up dat icker bi

 

Minen hevenkerstin deeren mochte,

 

Want ic hope in mijn ghedochte

 

Dat mijns broeders winninghe si,

 

Werc van vruchten ende bate mi.’

 

Elc cuwe dese woorde ende versta,

 

Ende merke waer die redene ga,

3940

Ende set se in ghewerken voort,

 

So mach Christus maken acoort

 

Van den mesdaden alle gader

 

Jeghen Gode, den hemelschen vader.

 

Nu meerct oft Amand yet sochte,

 

Daer sijn evenkerstin bi mochte

 

Bate ontfaen, ende hi daer inne

 

Ne sochte profijt no anders ghewinne,

 

Dan den loon van onsen Heere,

 

Ende dat hi daeromme pijnde seere,

3950

Also ghi hier voren hebt ghehoort,

 

Ende noch meer sult hooren voort;

 

Daer hi someghe menschen mede

 

Commen met pinen ten kerstinhede.