Hoe Sente Amand te Roeselaer trac ende bekeerde 't folc daer
omtrent.
Ghetidelike dedi sermoen,
Nu willic hu voort verstaen doen
Van den volke van Roeselare,
Ende van der jeghennooden; die niemare
Quam hem lieden, dat al omtrent
3140[regelnummer]
Ten kerstinen gheloove ware ghewend,
Oudenaerde, Duenze, Nevele mede,
Tielt, Muelnebeke ende
Ruselede,
| |
Ende andere dorpe, die ic niet al
Can ghenoemen noch ghetal,
Die alle ten kerstinen gheloove waren comen,
Om dat si dit hadden vernomen
So ne wilden si niet achter bliven,
Maer wilden die selve gheloove driven,
Ende senden boden om Amande,
3150[regelnummer]
Die daer quam, als hijt becande,
Ende doopte se alle in Christus name,
Die 't begheerden ende was bequame,
Dies meersde 't gheloove voort ende voort,
So dat alomme was ghehoort
Van der niemare dat ghescal,
Want si begheerden al over al
In doorpen, in poorten, in elcke stede
Te ghecrighene kerstinhede,
Ende Amand, die helighe vader,
3160[regelnummer]
Halper hem toe alle gader,
Met herten, met siele ende met live.
Dus bekeerde hijt, also ic scrive,
Al Vlaenderen duere, met siere pine,
Maer vele blevere in schine,
Twifelende in 't gheloove fel,
Als ic mach tooghen, verstaed wel,
Want waer so dat was in elcke stede,
Kerstin volc was, daer was heydin mede,
Doch bi der gracien van Gode,
3170[regelnummer]
Ende bi Amande, sinen bode,
Diere hulpe ende sin toeleide,
Wies de wet in so menighe stede
Dat men al Vlaenderen duere, sonder waen,
Kerstin gheloove mochte verstaen.
Oost, west, suut ende noort
Waest al kerstin weder ende voort,
| |
Sonder Alst ende Gheeroudsberghe,
Ende daer omtrent in grooten erghe
Van gheloove so was bevaen
3180[regelnummer]
Al dat volc, hebbic verstaen,
Maer Sente Amand heeft se bekeert
Daer naer, ende kerstin gheloove gheleert,
Also ghi hier na wel sult hooren,
Maer hier gaed andere redene voren,
Van heere jeghennoode, sijt seker das,
Daer 't ooc ongheloovich was.
|
|
Auteursrechtvrij