Leven van Sinte Amand, patroon der Nederlanden. Dichtstuk der XIVe eeuw

Hoe Sente Amand hier doet sijn orisoen omme 't folc te bekeerne.

Met dat Amand dit heeft ghehoort

Viel hi in bedinghen rechte voort,
Ende seide dus oetmoedelike:
‘Heere God van hemelryke,
Ghi, die van den vader quaemt,
Ende menschelike voorme naemt
An Marien, uwer moeder,
Om te wesene onse broeder,
Ende woort gheboren overwaer
In Augustius xlij^ste jaer,
Dat hi keyser hadde ghewesen
Na Julius, also wi lesen,

[p. 58]

 

Ende doe was die weerelt in elke stede

 

Vaste in payse ende hadde vrede.

1750

Doe hadden de Romeyne

 

Eenen tempel scone ende reyne

 

Ghemaect, in die heeren des vreden.

 

Dies hoort twi si dit deden:

 

Si hadden in haer bedwanc

 

Al der weerelt ommeganc,

 

Ende niewer hoorloghe no strijt.

 

Nu gheviel up eene feesttijt,

 

Die si hilden van Apoline,

 

Den afgod, die plach te sine

1760

Die waerachtichste, die men vant,

 

Dat si hem vragheden te hand

 

Hoe langhe die vrede soude staen,

 

Ende die duvel andwoorde saen:

 

‘“Die vrede daer ghi omme vraghet,

 

Sal staen toot dat eene Maghet

 

Een kint bringhet voort.”’

 

Doe verstonden si die woort,

 

Om dat jeghen natuere ware,

 

Dat een maghet kint bare,

1770

Dat die vrede altoos soude staen,

 

Ende maecten eenen tempel saen,

 

In 's vreden heere, als wi hooren,

 

Maer tsnachts, als ghi waert gheboren,

 

Viel al dien tempel daer neder,

 

Ende nemmermeer makeden sine weder.

 

Doe Augustius dat versach,

 

Gheboot hi up ghenen dach,

 

Keyserlike dat hi woude

 

Dat niement heer heeten soude,

[p. 59]

1780

Want gheboren ware die heere,

 

Die bliven soude emmermeere.

 

Heere Jhesus Christus, nu biddic hu,

 

Dat ghi diergelike doet vallen nu,

 

Ende te nieute gaen desen temple,

 

Waer bi sy moghen nemen exemple,

 

Ende hu kennen over haren God,

 

Ende gheeft den duvel sulc ghebod,

 

Dat hi sine stede verliese

 

Hier, ende nemmermeer en kiese

1790

't Folk te bedrieghene in dit land,

 

Ende doet hemlieden sijn becand

 

Uwe macht al onghegrond,

 

Ghelijc dat se den keyser was cont,

 

Augustius, den machteghen man,

 

Als ghe ter weerelt waert commen an,

 

Also ic te voren hier seide.

 

Nu hoort wat Ons Heere dede.