Totten leser.
HIer hebt ghy beminde Leser de volle beschryuinghe vanden Spieghel der Zeevaert, die ick door bede ende ernstelick aenstaen van vrome Coopluyden, Schippers ende Stuerlieden hebbe laten wtgaen. Wel wetende dat door de cortheyt des tijts ende haesticheyt eenighe fauten (alst natuerlijck is) gheuonden sullen worden. Hieromme vriendelijck ende seer ernstelijck aen alle Constenaers ende Practisynen op t'stuck vande Zeevaert, versoeckende die hier eenighe fauten sullen bemercken, my t'selfde vrymoedich aen te willen gheuen, want ick gheerne vande verstandighe onderricht begheere te sijn, op dat ick dit Caertboeck inhoudende de gheheele Navigatien vande Ooster ende Wester Zeevaert, (mach corrigeren) daer een yeder Constenaer inde Zeevaert bedreuen inne ghehouden is, omme de neeringhe ter Zee, welck het principael welvaren van dese Nederlanden is te helpen voorderen, op dat door onse luyheyt ende slappicheyt hier inne niet misbruyct en worde, want het is beter, t'gheuonden te beteren ende te corrigeren, dan van nieus te vinden. Vaert wel, ende oordeelt een ghesont oordeel.
Auteursrechtelijk beschermd