Spiegel der zeevaert

Diepten ende gronden tusschen Yrlandt, Enghelandt ende Normandyen.

DRy mylen buyten d'Eylanden van Dorsey, onder Yrlandt ist diep 45. vadem. Tusschen Dorsey ende Cape de Clare int vaerwater ist diep 42. oft 43. vadem. Item van Cape de Clare tot d'Eylanden van Saltees ist int vaerwater diep 45. vadem. Ende twee mylen buyten Yrlandt ist diep 40. vadem. Tusschen d'Eylanden van Saltees ende Muylvoerden ist diep 44. vadem. Tusschen Londay ende de Sorlinghes ist diep 38. vadem. Tusschen

[p. 35]

Sorlinghen ende Muylvoorden midden inden Vaerwech ist diep 44. vadem. Ende recht by Noorden de Sorlinghes ist diep 40. ende 42. vadem. By Enghelants eynde ist diep 50. vadem.

Item een Schip dat comt vande Cape de Finisterre, met een Noort noordtooste ganghe ende vintet diep 80. vadem, soo is hy van landt vier en twintich mylen, de grondt is cleyne swerte steenkens ghemengt met groff root sandt. Comende in t'selue Vaerwater op 60. vadem, soo zijt ghy van t'landt 12. oft 14. mylen, ende ghy zult het landt soo haest niet sien als ghy meynt, de diepte van t'sestich vadem sal langhe dueren, want ghy zijt aen de Noortsyde van de Canale ontrent de Sorlinghes. Tusschen Heyssant ende Sorlinghes ist diep t'seuentich vadem. Zuydtwaert vande Sorlinghes is de gront roode steenkens ende cleyn wit sandt. Teghens Lysaert ende Vaelmuyden, vier mylen van t'landt ist diep 52. vadem. Item tusschen Fawijck ende Westpalen midden inde Canael ist diep t'sestich vadem. Tusschen Lysaert ende Gonster comt aldaer den Lande niet naerder dan 35. vadem, ghy moecht het inde Traue setten op 25. vadem, soo legt ghy binnen der voorlanden stroom. Tusschen Pleymouth ende de seuen Eylanden midden in de Canale ist diep 55. vadem. Ende vier mylen zuydt zuydwest van Pleymuyden ist diep 35. vadem.

Item zuydt zuydtoost ter voller lande van Gonster ist diep 45. vadem, ende van daer zuydtoostwaerts vijf oft ses mijlen salt diep wesen 54. vadem. Tusschen de Kiscassen ende Pothlandt inde Canael ist diep 40. vadem. Een myle by Noorden d'Eylant Ornay daer is een putte daert diep is 80. vadem: Anders ist tusschen Porthlandt ende d'Eylant Ornay inde Canael euen diep (te weten) 40. vadem. In t'gesichte van Porthlandt ist diep 34. vadem. Dry mylen buyten Wicht ist diep 36. vadem. Twee mylen by oosten Beuesier ist diep 36. vadem. Tusschen Piccardyen ende Wicht midden inde Canael ist diep 38. vadem. Twee mylen by oosten Beuesier ist diep 36. vadem. Tusschen Winckelzee ende Piccardyen ist diep 24. vadem. Op Vrouwen-sandt inde hoofden ist niet dieper dan dry ende een half vadem, ende by zuyden dese droochte ist diep 24. vadem. Ende in alle de Vaer-wech tusschen Zeelandt ende Doueren ist diep 24. vadem.