Den nieuwen lust-hof

(1602)–Michiel Vlack– rechtenstatus


Nieu lied op de voys: Passomezo Anvers. IN mijn verdriet// doet sorghe 'thert beswaren Venus u dienaren die zijt ghy wel zeer fel Een droevich liedt// Orpheus op u snaren Speelt my (sonder sparen Cupido is rebel) O Phoebus helpt my droevich suchten, want mijn Lief wilt my ontvluchten door een ghesicht, Cupido schoot den schicht. Mijn lief eerbaer// en acht niet op mijn pyne dies ick heel verdwyne Ghelijck een schadu doet, Zy is voorwaer// mijn rechte medicyne 't Lyden waer ten fyne Moght ick haer dienen soet Zy keert van my, en sonder reden Achtse niet op mijn ghebeden, door een ghesicht// Cupido schoot zijn schicht. 'Twaer een cleen saec, al most ick pyne lyden
[pagina 57]
Naeckten my verblyde Het sou my duncken cleyn, Maer aen haer spraec// so hoor ick t'allen tyden Dat ick moet vermyden Te soecken die Fonteyn Daer mijn jonck hert na snackt om drincken, Want haer ooghskens lustigh blincken Door een gesicht// Cupido schoot den schicht. Prince. Princesse schoon// int eyndt my troost wilt gheven, 't Sterven en mijn leven Het hanght naest God aen u, Krijgh ick gheen loon// van u Princes verheven Laes so naeckt my sneven Verdriet en swaerheydt nu, Die grooten noot heeft mach wel claghen Door een druck zeer swaer om draghen, Door een gesicht// Cupido schoot den schicht. Finis. Elck kan falen.