Den nieuwen lust-hof
(1602)–Michiel Vlack–
AuteursrechtvrijOp de wijs: Een meijsken had een ruyter lief, &c.VRaegt yemant of ick min ofte niet
En offer mijn lief of leedt gheschiet
Van Cupidoos vierighe stralen,
Die sal ick met jocken betalen.
| |
[pagina 18]
| |
De druck die my opt herte leyt
Of vreught die my mijn lief bereyt
Die moet ick alleene ghedoghen
Dus wil ickse claghen noch booghen.
Maer eewighlick gheef ick prijs en danck
Mijn soeteliefs suyverlick aenschijn blanck
Het lof van die schoone Jonck-vrouwen
Sal icker in eeren houwen.
Hoewel ick swarigheydt hebbe gheleen
Om een suyvere maghet reen
Die icker met hert en sinne
En teghens haer danck beminne.
So dat de vreese my 'thert ontsielt,
En raedt my dat ic met ghewelt
Haer minne sou van my verjaghen,
En soecken een ander te behaghen.
Daer teghen seyt mijn trou ghemoet,
Treedt niet te rugghe, siet wat ghy doet
Liefde diemen veranderen sou connen,
Was nimmermeer wel begonnen.
Prince.
Hierom Princesse van herten reyn
Mijn liefde is groot, al acht ghijt cleyn,
Al moet ick minne ontbeeren
Dat en sal my mijn liefde niet keeren.
|
|