Den lvst-hof van de christelicke zielen

I X. De Beminde spreket hem aen.

Nv, Mijnen Beminden; Houde op van de Minne te claeghen: Sij heeft meer ghegheven, dan ghenomen ! Maer dat is het, als men dese Ionghe Minnaers eene handt ghevet, Soo willen sij ter stondt het gandtsche lichaem ! Wiltstu Wijsheydt, sonder sweet; Ruste, sonder aerbeydt; Vreughdt, sonder Droefheydt: Soo en wilstu anders niet, dan eene Sonne sonder haere straelen, Een vier sonder hitte ! Doch ick weet wel, dat

[p. 136]

du dese vier jaeren vlijtigh hebtstu gheaerbeydet. Dan, Finit coronat opus. Het eynde croont het werck: Daerom, soo du mij beminnest, verclaere dit tweede deel van onsen Lust-hof, soo wille ick dij ruste gheven: want al bistu ghewilligh, dijne Swackheydt en can niet langher verdraeghen sonder ruste te aerbeyden, ende sonder loon te slaeven. Doch, Lief, God is onsen grooten loon: Daerom en is ons gheen Erfdeel onser onse Broederen ghegheven.