Den lvst-hof van de christelicke zielen

I I I I. Van Eere.

X X X I. ⁺

WEl ! wien sie ick daer soo Moedigh ?
Hoe word't dien mensch soo Gheeert ?
Seker hij schijn't seer voorspoedigh:
Doch de Eer in Schandt Verkeert !

X X X I I.

O dwaes, die trots bist op Eeren,

Du en wordest niet Gheeert:

+ Verclaeringhe.
Maer hoe Eerlick is het in Christo ghe-eeret te zijne met eene eere die van de wereld niet en can tot schan-den ghemaecket worden ! Doch buyten Christo ghepresen te worden, gheeeret, gheacht, bemint, en is anders niet dan een wint-ey: het is eene blaese, die met windt opgheblaesen is: maeckt een cleyn gaetken daer in, daer vlieghet alle de schandelicke eere henen ! Meer dan dwaes souden wij wesen, soo wij dry letters schreven om van de wereltsche ghepresen te worden. Windt, Windt; ydelheydt, der ydelheydt ! hoe de wereldt ons meer prijset, hoe wij haer meer misprijsen. Eere buyten Christo is oneere.

[p. 97]

 

Laet de kanse maer eens keeren,

 

Du salst wesen seer onteert !

 

 

 

X X X I I I.

 

Och het volck is Onghestaedigh:

 

Die men heden Achtet seer,

 

Dien Acht men eer morghen Smaedigh.

 

Alle dingh heeft sijnen keer.

 

 

 

X X X I V.

 

Vorsten Gonst can haest verdwijnen:

 

Om een woordt men Ruymen moet !

 

Die de Eere coopt met pijnen

 

Sijnen Gheest onrust aen doet.

 

 

 

X X X V.

 

Wat helpt doch naer Eer te jaeghen,

 

Die men niet Behouden magh ?

 

Noyt Gheeert seer langhe daeghen

 

Men een mensch ter Wereldt sagh.

 

 

 

X X X V I.

 

Ah ! de mens is al te vinnigh

 

Om te Eeren yemant seer:

 

Menschen tonghen zijn seer pinnigh:

 

De tongh wondet s'werelds Eer.

 

 

 

X X X V I I.

 

Dickwils hoor' ick het volck praeten:

 

Hoe roert dat ghespuys den mondt

 

Op de Heeren, Leeraers, Staeten !

 

Die het volck helpt word't ghewond't.

 

 

 

X X X V I I I.

 

Schrijvers die om Eere Schrijven

 

Worden meest gheloont met schandt:

 

Goe leer Ongheeert moet blijven,

 

Het ghebreck ghevoelt den tandt.

 

 

 

X X X I X.

 

Die tot de lucht wordt Verheven

 

Men seer leeghe vallen siet.

 

Menigh Acht men in sijn leven:

 

Naer den doodt en is hij Niet.

 

 

 

X L.

 

Soo en is des Wereld's Eere

 

Niet dat staende blijven sal:

 

Dus van haer ick mij nu keere:

 

Ick soeck vast goedt in dit dal.