Versamelde gedigte

Rymritjie

(Die oudste ryperd op die wêreld is Pa se knie - maar 'n mak perd gooi 'n mens soms ook af.)

Knietjie ry, sing vir my
Hoe die here, groot menere,
Hoe die dames, skones, skames,
Hoe die boere met die roere,
Hoe die klonkies op die donkies -
Hoe die mense almal ry.

[p. 305]

 

Hoe ry die here,

 

Die grote menere?

 

Op edele rosse,

 

Op skimmels en vosse -

 

So ry die here,

 

Die grote menere.

 

 

 

Hoe ry die dames,

 

Die skones, die skames?

 

So saggies en soetjies,

 

So voetjie vir voetjies -

 

So ry die dames,

 

Die skones en skames.

 

 

 

Hoe ry die boere

 

Al met hulle roere?

 

Trippeldraf, op en af,

 

Jaaggalop, af en op -

 

So ry die boere

 

Al met hulle roere.

 

 

 

Hoe ry die klonkies

 

Op kalwers en donkies?

 

Al agterstevoor:

 

Een hand hou die oor,

 

Een hand hou die stert -

 

So ry hul te perd!