Spiegel historiael. Vijfde partie. Deel 3
(1938)–Lodewijk van Velthem–Hoe si dese tide ordineert, ende besceet, oec haer wesen. .xv.Ga naar voetnoot+Het es te weten, naden aerdGa naar voetnoot1171-1188:
Alse ons bescrivet Huldegard,
| |
[pagina 287]
| |
Dat (in desen jegenwordegen tijd,
Daer gi nu alle in sijt).
1175[regelnummer]
Ende doen si dit seide openbaer,Ga naar margenoot+
Screefmen .x.c cc jaer
Ende .xx. mede, dat verstaet;
Maer vanden irsten tide des irstes etaet
Sijn oec .xx. hondert jaer,
1180[regelnummer]
Ende tbeginsel vanden irsten daerGa naar margenoot+
Toten andren tide, so was
.xi.c jaer, alsict las;
Ga naar margenoot+ Ende oec so es te weten met:
Dat vierde tijt tonser wet
1185[regelnummer]
Leden sijn, daer si af seget,Ga naar margenoot+
Daer nu niet ane geleget,
Ende daer si vele af spreket mede,
Ende propheteerde oec selsenhede;
Maer vanden viften tide nu,
1190[regelnummer]
Daer nieman af weet, dat secgic u,Ga naar margenoot+
Dat inde, hoe lange het sal staen,
Daer af willic spreken gaen.
Het es oec te weten wale,
Ende oec so spreket in sine tale
1195[regelnummer]
Eugenius, die paus, sijt gewes,Ga naar margenoot+
Dat haer boec geautoriseert es,
Ende uutgegeven overwaer
Van desen paus openbaer,
Te Trie[r], in ene consilie groet,Ga naar voetnoot1199
1200[regelnummer]
Daer men overlas den boec albloet.Ga naar margenoot+
Nu hebbent die papen tot nu bedect,
Ende hebbent den leken niet ontect,
| |
[pagina 288]
| |
Om dinge die daer in staen,
Die ic vord wil bringen saen.
1205[regelnummer]
Wat helpt, datment verholen doetGa naar margenoot+
Die dinge, die emmer gescien moet.
Al borgic mede dese prophesien,
So dat ic nemmermeer ant lien
Ne wilde comen, nochtan om dien,
1210[regelnummer]
Die dinc, die ember moet gescienGa naar margenoot+
En soude daerom niet achter bliven.
Om dit, so willic coenlijc scriven,
Ende leken lieden doen verstaen
Gelijc die prophecien gaen.
1215[regelnummer]
Ic hope, dat enich here mi salGa naar margenoot+
Lonen noch, dat ic hier al
Dese verborgen dinge make,
Daer mi oec swaer af es die sake
Vord te bringen, in dietsce word.
1220[regelnummer]
Ende oec, so hebbic daeraf gehordGa naar margenoot+
Verwet, dat ic node horde,Ga naar voetnoot1221
Ende dat minen sin sere storde,
Om dat ic dit vord wilde bringen.
Nochtan, wat si daerom dingen,
1225[regelnummer]
Diet beniden, dat verstaet,Ga naar margenoot+
Die haer valsce quade saet
Gesait hebben die werelt wijt,
In saels niet laten om haren nijt,
| |
[pagina 289]
| |
Ic saelt den heren laten weten,
1230[regelnummer]
Daer mi al goet af es beheten,Ga naar margenoot+Ga naar voetnoot1230
Van Jans monde die heet Visier.Ga naar voetnoot1231
Dor mijn[s] heren wille, salic hier
Ga naar margenoot+ Dese heymelijcheit laten verstaen,
Om dat ic hope noch, sonder waen,
1235[regelnummer]
Dat ic sijn pape sal wesen hierna.Ga naar margenoot+
Om dese dinc, elc hier versta,
So aventuric dit te doene.
In roec, wie maken sal die soene,Ga naar voetnoot1238
Op dat ic die vrienscap daer met gerake,Ga naar voetnoot1239
1240[regelnummer]
Vanden here, die[n] ic dit make,Ga naar margenoot+
Dien ic noch noemen sal na desen,
Daer hi eer bekint sal wesen,
Dats, int inde vanden boeken,
Daer salic sijns noch meer roeken.Ga naar voetnoot1244
|
|