Spiegel historiael. Vijfde partie. Deel 3
(1938)–Lodewijk van Velthem–Die derde prophesie van Daniele ende Merlijns biteken .ix.Ga naar voetnoot+605[regelnummer]
Daniel, die vele vernam,
Hem aldus in spraken quam:
‘Bi, seide hi, tsminscen sone,Ga naar voetnoot607
Het selen noch drie coninge scone
Comen in Persen, entie vierdeGa naar margenoot+
610[regelnummer]
Dese drie van al verfierde,
Van al te[.] groter rijcheide,
Entie sal al Grieken willen mede
Onder hebben. Ende dan sal op staen
Ute Grieken .i. starc coninc saen,Ga naar margenoot+
615[regelnummer]
Die sal al sinen wille doen daer,
Alse die here es worden vorwaer
Van alder werelt. Ende dan sal
Sijn rike gedeilt werden al
In vier riken, entie werelt metGa naar margenoot+Ga naar voetnoot619
620[regelnummer]
Werd aldus in vieren geset,
| |
[pagina 265]
| |
Ende dese en selen niet wesen
Van sinen sade, als wijt lesen,
Ende altene vort sal gesceden
Werden haer rike van machtechede.Ga naar margenoot+
625[regelnummer]
Maer van coninc sal een coninc comen,
Die sterc sal werden, hebbic vernomen,
Ende machtech, ende harde rike,
Ende boven vele prinsen sekerlike
Coninc sijn; daerna bi sinen indeGa naar margenoot+
630[regelnummer]
Sal hi conf[.]edereren, alsict vindeGa naar voetnoot630
Bescreven, metten coninc vord,
Die men nomen hord van nord.
Dan sal des coninc dochter mede
Van oest comen, ende maken geredeGa naar margenoot+
635[regelnummer]
Vrenscap jegen van nord den coninc,
Maer sine sal na dese dinc
Die macht niet hebben, dat verstaet,
Noch behouden, noch haer saet
En sal niet bliven staende tsamen.Ga naar margenoot+
640[regelnummer]
Maer si, entie met haer quamen,
Selen werden geleverd vord
Ga naar margenoot+ In des conincs macht van nord.
Maer van den zade vanden wortelen al
Ene plante daer uut comen sal,Ga naar margenoot+
645[regelnummer]
Met groten here, in die stede
sConincs van norden, ende sal mede
Dat volc onderdoen daernaer,
Ende haer beelden behouden daer,
Ende haer presieuse vate diereGa naar margenoot+
650[regelnummer]
Van selver, ende van goude diere,
| |
[pagina 266]
| |
Ende in Egipten vo[e]ren vordan,
Ende sal machtech werden dan
Des coninc van norden, ende sijn lant
Aldore varen, ende keren te hantGa naar margenoot+
655[regelnummer]
Weder daer na in sijn rike.
Daerna selen oec des gelike,
Des coninc kinder van norden saen
Grote macht van volke ontfaen,
Ende dan sal die coninc van nortGa naar margenoot+
660[regelnummer]
Met groter macht comen vord;
Ende sal vele volx doen onder
Met siere cracht. Dan comt besonder
Die coninc van oest, dat secgic u,
Ende heeft vele volx gegadert nu,Ga naar margenoot+
665[regelnummer]
Ende jegen den coninc dan
Van norden, ende wint hem anGa naar voetnoot666
Van sinen volke, ende verslaen
Vele sal hijs, ende oec vaen.
Vele .M. gaen hem onder.Ga naar margenoot+
670[regelnummer]
Hi ward gehoget sere besonder,
Maer hine sal vercrigen niet
Den coninc van norden in dit verdriet.
Dan sal die coninc van norden keren
Ende gederen volx vele merenGa naar margenoot+Ga naar voetnoot674
675[regelnummer]
Dan hi te voren had, godweit,
Ende sal met groter rijcheit.Ga naar voetnoot676
Ende in desen tiden mede,
Sal hem setten daer ter stede
Vele volx, ende selen bestaenGa naar margenoot+Ga naar voetnoot679
680[regelnummer]
Den coninc van oesten sonder waen,
| |
[pagina 267]
| |
Ende die in siere hulpen sijn besonder,
Selen vallen, ende bliven onder.
Dan comt die coninc van nord
Met sinen scaren getrocken vord,Ga naar margenoot+
685[regelnummer]
Ende wint alle vaste stede,Ga naar voetnoot685
Ende die riken van oesten mede
En selen daer jegen niet gestaen.Ga naar voetnoot687
Daerna selen sine vriende saen
Jegen hem wesen, met herecracht,Ga naar margenoot+
690[regelnummer]
Maer hem sal gebreken die macht,
Ende daerna sal hi sinen wille
Ga naar margenoot+ Met hem doen, lude ende stille,
Ende men sal niemen vinden dan
Diene yet wederstaen can.Ga naar margenoot+
695[regelnummer]
Dlant sal hi dan an sine hant
Setten, ende pogen dan alte hant,
Hoe hi trike van oest allene
Hebben moge te sinen lene.Ga naar voetnoot698
Ende hi sal recht doen daernaerGa naar margenoot+Ga naar voetnoot699
700[regelnummer]
Metten coninc van oest vorwaer.
Dan sal die coninc van oest geven
Die dochter der wive om dit snevenGa naar voetnoot702
Te beterne, enen andren coninc.
Maer en besciet niet dese dinc,Ga naar margenoot+Ga naar voetnoot704
705[regelnummer]
Want en blijft niet staen de desen,Ga naar voetnoot705
Noch sine sal oec sine niet wesen.
Dan sal die coninc van nort saen
Ten eylande ward trecken gaen,
| |
[pagina 268]
| |
Ende salre vele opnemen daer,Ga naar margenoot+
710[regelnummer]
Ende doen den prinsen swigen daernaer
Vanden scande, ende onderdoen.Ga naar voetnoot711
Ende als hi dit al heeft geploen,Ga naar voetnoot712
Sal in hem selven keren die scande,
Ende sal also trecken te lande.Ga naar margenoot+
715[regelnummer]
Ende als hi dit doet, sal hi daer
Vallen ende verloren bliven daernaer,
So datmenne niet sal vinden mede.
Dan sal opstaen, in sine stede,
Een onweerd coninc, sonder mere,Ga naar margenoot+
720[regelnummer]
Die der conincliker ere
Niet en sal werdech wesen,
Entie sal sterven saen na desen,
Niet met heerscap, no met stride.Ga naar voetnoot723
Dan sal in siere stat, tien tide,Ga naar margenoot+
725[regelnummer]
Opstaen .i. lelijc, al heymelike,
Ende comen alsoe in dat rike
Met quader list, alse here,
Maer gene coninclike ere
En salmen hem doen aldaer.Ga naar margenoot+
730[regelnummer]
Ende sine wedersaken daernaer
Selen, van sinen wegen, sonder waen,
Verwonnen werden daerna saen.
Ende daerna, die vrienscap [hi] maecte nuGa naar voetnoot733-737
Van sinen wedersaken, secgic u,Ga naar margenoot+
735[regelnummer]
Ende den pays maecte ter noet,
Sal vanden sinen bliven doet,
| |
[pagina 269]
| |
Want na die vrienscap, die maecte hi,
Salmen hem scalcheit doen daerbi.
Dan sal hi indie goede stedeGa naar margenoot+
740[regelnummer]
Comen, ende daer in doen oec mede,
Dat vader noch oudervader
Ga naar margenoot+ Nie en daden beide gader.
Hi salse roven, ende nemen haer goet,
Ende haer scoenhede wusteren doet.Ga naar margenoot+Ga naar voetnoot744
745[regelnummer]
Ende jegen sine geloefte oec mede,
Hoe vaste hijt geloefde ter stede,
Sal hi comen, ende dit verburen,
Ende dit sal tenen tide geduren.
Dan sal hi setten sine machtGa naar margenoot+
750[regelnummer]
Jegen des coninc van suut cracht
Ende sal met groten volke comen
Jegen hem; die cort sal gomen
Dat hi gaderen sal daer jegen.
Vele volx sal hi verplegenGa naar margenoot+Ga naar voetnoot754
755[regelnummer]
Met hem te bringen, maer en sal
Met hem bliven staende al,
Want si selen hebben jegen hem raet,
Die sijn broet eten, dat verstaet,
Sellen doden, ende daerna saenGa naar margenoot+Ga naar voetnoot759
760[regelnummer]
Sal sijn here sijn onder gegaen,
Ende daer salre vele bliven doet.
Ende .ij. coninge werden een coenroet,Ga naar voetnoot762
Ende sal een herte werden daer,Ga naar voetnoot763
Om quaet te doen, si selen daernaerGa naar margenoot+
| |
[pagina 270]
| |
765[regelnummer]
Tere tafle logen secgen meren,Ga naar voetnoot765
Maer sine selen niet proficeren,Ga naar voetnoot766
Dat es vorderen, alsict vinde,
Haren wille, want .i. inde
Es noch tere ander tijt,Ga naar margenoot+
770[regelnummer]
Daer al opward gehent die strijt.
|
|