Spiegel historiael. Vijfde partie. Deel 3
(1938)–Lodewijk van Velthem–
Auteursrecht onbekendHoe die grave van Hollant wederkeerde te Hollantward .xx.Doen die grave had vorwaer
1370[regelnummer]
Boe[r]chte gebernt, ende daernaer
Wille hadde op Repelmonde
Te stormene, in der selver stonde
Quam hem boetscap saen daernare,Ga naar margenoot+
Dat siere liede verslagen ware,
1375[regelnummer]
Die hem spise bringen souden.
Ende oec die menige secgen wouden,
Datsi hem scat brochten na,
Ende dattie van Caloe, alsict versta,Ga naar margenoot+
Dese hadden bewacht alsoe,
1380[regelnummer]
Ende gingen hem daeromme toe,
Ende sloegense, ende namen mede
Al datsi daer brachten gerede.
| |
[pagina 208]
| |
Som ontgingen gene cnapen,Ga naar margenoot+
Die scepe sinctense, dat men betrapen
1385[regelnummer]
Niet en soude waersi ware.
Doe die grave quam de mare,
Ende hijt also heeft vernomen,
So es hem mede die boetscap comen,Ga naar margenoot+
Dattie coninc es af gekeert.
1390[regelnummer]
Doe werd die grave seer beseert,
Ende lieten des niemen weten.
Hi dede there aldore heten:
Datmen gereide metter vard,Ga naar margenoot+
Hi wilde vaste te Caloeward,Ga naar voetnoot1394
1395[regelnummer]
Ende daer op wreken, sonder waen,
Datsi mi scade hebben gedaen.
Om dit gereiden vaste there,
Ende volgeden alle horen hereGa naar margenoot+
Dapperlike, met vollen zeile.
1400[regelnummer]
Si hadden den wint met te heile,
So datsi so snellike quamen.
Doe die van Antwerp dit vernamen,
Gincmen daer te werne staen,Ga naar margenoot+
Ende op haer torre mede saen,
1405[regelnummer]
Op aventuren watsi menen.
Sine wisten noch niet vanden genen,
Dattie coninc gekeert was achter,
Maer si wisten som dien lachterGa naar margenoot+
Die den genen was gedaen.
1410[regelnummer]
Doe seidense daer som sonder waen:
‘Die grave vart wreken nu
Sinen scade van gistren, secgic u.’
Dit was tAntwerpen dat word,Ga naar margenoot+
Doe hi quam lidende bider pord
| |
[pagina 209]
| |
1415[regelnummer]
Ga naar margenoot+ Met menigen scepe, dat verstaet,
Ende menige baniere daer utgaet,
Tambusen, blasen, trompen sereGa naar voetnoot1417
Hordemen daer in allen kere.Ga naar margenoot+
Dus voer hi tote Caloe vord.Ga naar voetnoot1419
1420[regelnummer]
Also alsict nu heb gehord,
Arr[i]veerdense daer ant land,
Ende dede daer vaste ansteken brant,
Ende verbernt daer in den gront,Ga naar margenoot+
Ende diesi daer vonden oec terstont
1425[regelnummer]
Sloegense doet optie stede.
Men sach desen brant gerede
Tote Antwerpen also opslaen,
Ende die scepe daer vore staenGa naar margenoot+
Tote sanderdages, dat verstaet.
1430[regelnummer]
Ende si waenden wel, alse dese daet
Gedaen waer, dat heer weder
Keren soude opward weder,
Tote dattie grave met sinen liedenGa naar margenoot+
Sanderdages van ginder scieden,
1435[regelnummer]
Ende den diec uut hadden doen steken,
Ende also thusward streken,
Wat dat here geriemen mach.Ga naar voetnoot1437
Doe quam die boetscap optien dach,Ga naar margenoot+
Dattie coninc gevloen ware.
1440[regelnummer]
Doen wistmen al openbare,
Dattie grave sonderlinge
Meer keerde om dese dinge,
Dan om dien scade die hi gewan;Ga naar margenoot+
Dus bleef dat orloge doe vortan.
|
|