Spiegel historiael. Vijfde partie. Deel 3
(1938)–Lodewijk van Velthem–
Auteursrecht onbekendHoe die coninc van Vrancrike ute Vlaendren trac, men wiste hoe .xix.Binnen dat dus die grave lach,
Ende bernen dede optien dach
1305[regelnummer]
B[or]chte(n), in desside Repelmonde,Ga naar voetnoot1305
Die Scelde nederward so stonde
Dese huus, so staet vorwaer,Ga naar margenoot+
Twee dage geduret daernaer.
Ende in desen dat hi lach alsoe
1310[regelnummer]
Met sinen here ginder doe,
So waren getogen overluut
Die van Gent ten conincward uut.Ga naar margenoot+
Die van Brugge ende ander stede
Hadde ute geweest mede,
1315[regelnummer]
Deen lach na den andren nu stille,
Ende beiden iegen haren wille.
Ga naar margenoot+ Ende also saen alse die van GentGa naar margenoot+
Den coninc begonden naken omtrent,
Ende eer si toe conden gecomen,
1320[regelnummer]
So heeft die coninc die vlucht genomen,
Ende trac met groter haest enwege,
Hine beide niet daer naden zege.Ga naar margenoot+
| |
[pagina 206]
| |
Daer bleven siere tenten vele nu,
Ende sijns harnaschs, dat secgic u.
1325[regelnummer]
Men weet dor wat saken hi vlo.Ga naar voetnoot1325
Oft van vresen was also,
Oft van wat vresen het quam.Ga naar margenoot+
Som secgense, alsict vernam,
Datse die grote regen verdreef,
1330[regelnummer]
Want al diewile alsict screef
Dat hi daer gelegen was,
So ne fineret nie na das,Ga naar margenoot+
En reinde alle dage daernaer.
Oec seitmen ons al overwaer,
1335[regelnummer]
Dattie coninc lach ter stede,
Dat daer so diep was oec mede
Dat daer niement conde gegaen,Ga naar margenoot+
Vanden parde[n]diet sonder waen
Daer hadden vertorden alsoe,Ga naar voetnoot1339
1340[regelnummer]
Ende van dien regen quam daer doeGa naar voetnoot1340
Ende maecte die voetstappe nat.
Hierom wildemen secgen dat,Ga naar margenoot+
Dat hi vander stede voer henen,
Want ic horde secgen den genen
1345[regelnummer]
Dier was, dat .VII. parde
Ene kerre niet hadde hare varde
Met een vate wijns getogen,Ga naar margenoot+
Al hadsi geweest sere vermogen,
Ende om dit keerde die coninc na des.
1350[regelnummer]
Weder tlogen so waer es?
Emmer voer hi wech van daer,
Eer hem die Vlaminc quam naer.Ga naar margenoot+
| |
[pagina 207]
| |
In weet of hi vlo, of niet,
Oft van bloetheiden es gesciet,
1355[regelnummer]
Oft van behendicheit was gedaen?
Dies en canic niet verstaen.
Maer dat hi niegeren vort en quamGa naar margenoot+
Elre te stridene, alsict vernam,
Al docht hem die stede niet goet,
1360[regelnummer]
Dit es mi twivelen doet,
Of dat hi niet an hem ontboet:
‘Ombeit mijns hier, ic comer bloet!’Ga naar margenoot+
Maer van der uren en wistensi niet,
Waer sine vinden mochten yet
1365[regelnummer]
Optie palen van haren lande.
Nu geraet wies es die scande?
Ga naar margenoot+ Ic swige mijns secgen stille,Ga naar margenoot+
Nu secge een ander sinen wille.
|
|