Spiegel historiael. Vijfde partie. Deel 3

Hoe hi vor Antwerpen leet te Rupelmondeward .xviii.

Nu es die grave vortcomen
Met stouten lieden ende met vromen,
Ende met menigen scepe mede,
Alle die Scelde opward gerede

[p. 203]

1235

Te varne tAntwerpe saen.⁺

 

Doemen sine comst had verstaen,

 

Quamense daer in hare were,

 

Niet omdat si wilden there

 

Wederstaen, ofte yet deren,

1240

Maer omdat si wilden weren⁺

 

Datmen hem genen scade dade.

 

Nochtan wasser bi gemeinen rade,

 

Mer dan .M. in gelaten,

 

Daer der stat wel na onbaten

1245

Meer af soude hebben gecomen,⁺

 

En hadment met liste niet benomen,

 

Doch verginct scadelic daer,

 

Die hier te tellen es vorwaer.

 

Dus toech die grave wel begrepen

1250

Daer vore, met .XI. hondert scepen⁺

 

En nieman en soude dies geloven,

 

Die maste diemen sach daer boven,

 

Het sceen oft al die werelt daer

 

In die scepe vergadert waer.

1255

Men sach daer blicken menige baniere,⁺

 

Elc here na sine maniere.

 

In const u niet al vertellen,

 

Al wildicker mi selven om quellen,

 

Vander yoyen die si dreven,

1260

Het sceen dat si een blide leven⁺

 

Ende sonder anxt te stride voren.

 

Ic horde daer menich tambuse roeren,

 

Ende blasen met pipen oec alsoe,

 

Ende met r[i]ethorne[n] daertoe,¹²⁶⁴

+ (5)

+ (10)

+ (15)

+ (20)

+ (25)

+ (30)

1264 riethornen = schalmeien.

[p. 204]

1265

Ende trompe[t] hordic vele,⁺

 

Ende alrehande menistrele

 

Diemen geviseren conde

 

Hordic daer optie stonde.

 

⁺ Dus ledic Antwerpen saen.

1270

Daer wasser vele op gegaen⁺

 

Ute haren scepe in die stat,

 

Die daer bleven oec na dat

 

Licgende dien nacht alsoe.

 

Dien sprakic vele toe,

1275

Ende vraechde na haer stucken met:⁺¹²⁷⁵

 

Hoe dat hare [here] waer beset,

 

Ende waersi toe waenden keren.

 

Des berechten mi die heren

 

Na haer beste dat si conden.

1280

In al dien dat si vermonden,⁺

 

Ende ic an hem hebbe gehord,

 

So dochte mi wesen haer acord

 

Herde wel in redene geset.

 

Ende oec so seidensi mi met:

1285

Dat si node dit anegaen⁺

 

Souden, en had die grave gedaen,

 

Dies hem bad ende an dede lecgen,

 

Ende sine wildens hem niet ontsecgen.¹²⁸⁸

 

Aldus vernamic an hem die saken,

1290

Die ic hier in dietsce maken.⁺

 

Des anderdages herde vroe,

 

Volchden desen cnape doe

 

Den grave na, al die Scelt,

 

Daer hi lach met siere gewelt,

1295

Met enen here scone vermogen.⁺

 

Selve was hi doe getogen

+ (35)

+ bl. 75 f.

+ (40)

+ (45)

1275 stucken = aangelegenheden, zaken

+ (50)

+ (55)

1288 ontsecgen = weigeren.

+ (60)

+ (65)

[p. 205]

 

Opt lant in Brabant ter selver stonden,

 

Bina iegen Repelmonden.

 

Daer resti hem, weet vorwaer,

1300

Tote des anderdages daernaer,⁺

 

Eer hi enige dinc bestont

 

Die ic maken mochte cont.

+ (70)

1235 varne hs.: v'ne 1243 Mer hs.: m' 1250 .xͦi. hondert hs.: .xi. 1264 riethornen hs.: reethorne, de eerste e schijnt door den kopiist verbeterd te zijn geweest in een i, waarin hij niet heelemaal gelukt is, de meervoudsvorm op n is een emend. van Verdam, M.W., VI, 1181, i.v. reethorn, vatte Verdam de poging van verbetering door den kopiist als gelukt op en betwistte het bestaan van een vorm: reethorn.

1265 trompeten hs.: tromperen 1276 hare here hs.: hare, emend. Verdam M.W., VII, 2365, i.v. stuc 12).

1305 Borchte hs.: Brochten 1306 nederward hs.: ned'w'd 1312 Conincward hs.: .cô. w'd 1321 haest enwege hs.: haestenwege.