Spiegel historiael. Vijfde partie. Deel 3
(1938)–Lodewijk van Velthem–
Auteursrecht onbekend
[pagina 192]
| |
Noch van den selven, ende ander dinge .xiiii.Dus werd ginder geruchte groet.
950[regelnummer]
Die here van Valkenborch seide bloet
Dat hem dus opt herte lach.
Alse dit mijn her Florens sach,
Dat hem niet besluten mochteGa naar margenoot+
So wat dat hi daer toe sochte,
955[regelnummer]
Keerdi an die stede om dat,
Ende seide: ‘U sal die coninc gehad
Werden, ende sone seldi niet
Daer mogen varen, wats gesciet,Ga naar margenoot+Ga naar voetnoot958
Ende so hebdi u comenscap verloren,
960[regelnummer]
Hieraf sel u comen toren.’
Dit bracht hi den steden vore,
Ende stac [hi] hem (dit) dicke int ore.
Som die steden riedent wel,Ga naar margenoot+
Ende som waren si daer iegen rebel.
965[regelnummer]
Tale ende antwerde, dat verstaet,
Ende wedersecgen, ende wederraet,
Dit werd den coninc vertrocken saen,
Ende doe hi dit hadde verstaen,Ga naar margenoot+
Pensdi neuwe, hebbic vernomen,Ga naar voetnoot969
970[regelnummer]
Hoe hi mochte te wraken comen
Al heymelijc, met enigen dingen.
Nu ginc hi een ander vortbringen,
Ende pensde dese list sciere:Ga naar margenoot+
Dat hi soude bidden, om soudiere
975[regelnummer]
In Brabant te licgen, daer hi mede
Vlaendren dwingen mocht gerede;
Ga naar margenoot+ Ende metten soudieren soudi dan
Siere stucken comen te bat an,Ga naar margenoot+
| |
[pagina 193]
| |
Van dat hi an den hertoge begart,
980[regelnummer]
Dus wilt hi ne bringen in sijn ruward.
Oec gaf hi gichten ende mieden
Om dit te bringen na sijn bedieden,
Dus waendi vorderen sinen wille.Ga naar margenoot+
Onlancs daerna so lach hi stille,
985[regelnummer]
Hine sinde boden ten hertoge weder,
Ende dede vermanen op ende neder,
Die hi waende dat hem dochten
In Brabant die hem vorderen mochten.Ga naar margenoot+
Ic soudse noemen, wistic wel,
990[regelnummer]
Die heymelijc anteerden dit spel,
Hoe ment toe mocht gebringen,
Maer ic wil swigen nu der dinge.
Des conincs boden waren geredeGa naar margenoot+
Hier om vergadert waren mede.
995[regelnummer]
Doen leidemen daer den hertoge an:
‘Oft hi wilt sijn conincs man,
Ende hulpe doen tsinen stride?’
Niet en was men in dese sideGa naar margenoot+
Gestaet des yet te doene.
1000[regelnummer]
Men antwerde daer den heren scone:
‘Dlant es arm, ende die tijd diere,
Wine connen u in gere maniere
Gehulpen nu te desen male.’Ga naar margenoot+
Die tale entie wedertale
| |
[pagina 194]
| |
1005[regelnummer]
Waer mi te lanc te scrivene.
Doen begonstemen daer te bedrivene
Oft die hertoge, dat secgic u,
Soudiere soude laten licgen nuGa naar margenoot+
In sijn lant teniger stede,
1010[regelnummer]
Om Vlaendren te dwingen mede.
Des was men echter ongestaet,
En mochte niet sijn ongescaet,
Waer dat si lagen ter stondenGa naar margenoot+
Si souden verteren dat si vonden,
1015[regelnummer]
Ende souden dlant maken bloet,
Daerom men dit oec wederboet.
Dus en conste in genen dingen
Die coninc yet an hem gebringenGa naar margenoot+
Den hertoge, met eniger liste,
1020[regelnummer]
Dat hi quame in desen twiste,
Noch met dregen, no met smeken,
Sone constemen niet geweken.
Nochtan waren in Brabant liedeGa naar margenoot+
Die hier[a]f hadden grote miede,
1025[regelnummer]
Dat sijt toe souden bringen,
Maer sine condens niet gehingen.
|
|