Spiegel historiael. Vijfde partie. Deel 3
(1938)–Lodewijk van Velthem–
Auteursrecht onbekendHoe die keyser die castele an hem nam vanden heren .xxx.Alse [dese] dinc dus was leden,
So es die keyser vortgereden,
Ende anenam die castele vermogen,
1985[regelnummer]
Ende es saen daerin getogen
In een der straten, die daer was na,Ga naar margenoot+
Die casteel hiet Milicia campana.Ga naar voetnoot1987
Ende was gestaen recht alsoe,
Daer iegen die viande doe
1990[regelnummer]
Lagen vergadert, hebbic verhort,
Op een casteel, die horde ter port,Ga naar margenoot+
Die Colice[um] es geheten.Ga naar voetnoot1992
Dese casteel was so vermeten,
Datter geen winnen ane sceen,
1995[regelnummer]
So vast was oec dese steen,
Dat elken wonderen mochte des,Ga naar margenoot+
Haddense van spisen haer getes,
Ga naar margenoot+ Datten yemen winnen soude.
Nochtan street die keyser boude
| |
[pagina 77]
| |
2000[regelnummer]
Genen casteel met sinen lieden,
En mochte niemen dit bediedenGa naar margenoot+
Hoe si vochten weder ende vord
Iegen die gene van der pord.
Dit was een wonder te siene an,
2005[regelnummer]
Dat dus lichte mocht een man
In een stat, die hem was iegen,Ga naar margenoot+
(Ende) siere viande also verplegen,Ga naar voetnoot2007
Alse die keyser Heinric dit siet.
En hadden God geweest niet,
2010[regelnummer]
Hine had niet mogen wederstaen,
Noch Coliseum, sonder waen,Ga naar margenoot+
En haddi niet mogen winnen
Optie gene van daer binnen.
Maer si hadden therte verloren,
2015[regelnummer]
Waer dat hi quam lichte voren
Die vloen al meest siere baniere.Ga naar margenoot+
Alsoe so daden dese sciere
Van den casteel Coliseum gereet,
Alse die keyser daer op street
2020[regelnummer]
Gincse vlien, hebbic verhort,
Toter Minderbroeder vort,Ga naar margenoot+
Daerd utermaten vaste was.
Entie keyser oec na das
| |
[pagina 78]
| |
Wilse daer bestriden daermede,
2025[regelnummer]
Rechte na des aers sede
Die sine pride node laet gaen,Ga naar margenoot+
Die hi heeft met clawen bevaen.
Al dese gelike mochtmen sien
Vanden keyser ginder gescien.
2030[regelnummer]
Hi wilt beclawen sine vianden daer,
Waer sy voren, hi trac hem naer,Ga naar margenoot+
Ter Minderbroeder hi oec dede
Sine liede oec licgen mede,
Daer die viande oec lagen binnen.
2035[regelnummer]
Groet geruchte in allen sinnen
Werd in gene stat nu ten tiden.Ga naar margenoot+
tPopel hilt nu daer besiden
Ende en wils hem onderwinden niet;
Sine weten wat hem es gesciet,
2040[regelnummer]
Si stonden alse liede al verdort.
Dus wan die keyser daer na vortGa naar margenoot+
Ten Minderenbroeder ende daernaer,
Sine viande vloen alle daer.
|
|