Spiegel historiael. Vijfde partie. Deel 3
(1938)–Lodewijk van Velthem–
Auteursrecht onbekendHoe die keyser te Pise ward voer .xxiiii.Hierna over onlangen tijtGa naar voetnoot1537
Wilde die keyser sonder respijt
Varen in tlant van Toscanen.
1540[regelnummer]
Lombardien, na minen wanen,
Heeft hi nu algader onderGa naar margenoot+
In corten tiden, dits geen wonder
Te [winnen], dat yement secgen mochte,
So vaste stede met clenen gerochte,Ga naar voetnoot1544
1545[regelnummer]
Dit en sachmen noyt gescien.
Nu wilt die keyser henentienGa naar margenoot+
In Toscane, te Pise ward,
Daer men sijn comen sere begard,
Want daer waren sine grote vrient,
1550[regelnummer]
Die Gibbelinge, die hem gedient
Van beginne hebben altoesGa naar margenoot+
Dese en vant hi noyt loes
In genen sacken, dat verstaet,
Dit was sijn meeste toeverlaet.
1555[regelnummer]
Daer was hi ontfaen so wale,
Datment ne conde in gene taleGa naar margenoot+
Vertellen, dat si daden heme.
Al dander, alsict verneme,
Dat hem hier vor was gedaen
1560[regelnummer]
En geleec der eren niet een spaen.
| |
[pagina 59]
| |
Ga naar margenoot+ Wat datmen conde gevisierenGa naar margenoot+
Ende gepinsen in eniger manieren,
Dat was hem gereet aldaer.
Ja, die vrouwen overwaer,
1565[regelnummer]
Die daer waren in die stat
En wouden niet ontsecgen dat,Ga naar margenoot+
Wat dat hem die ridders baden,
Sine dadent daer al, sonder beraden
Van haren man, te meniger stede.
1570[regelnummer]
Ja, al waest leet oec mede,
Nochtan dadense hem gerne lieve.Ga naar margenoot+
Gi wet wel waer ic op dit brieve,
Al ne secgict niet al uut.
Ic mene also alse die bruut
1575[regelnummer]
Den brudegoem te diene pleget,
Dit en was hem niet ontseget.Ga naar margenoot+
Dese stat es so overrike
Ende groet ende scoene sekerlike,
Dat hi noch nie quam int stat,
1580[regelnummer]
Die derre geleec yet een blat.
Van alrehande sierheit groet,Ga naar margenoot+
Sone was niewer haer genoet.
In canse niet volprisen wel,
Nochtan die yoye ende dat spel,
1585[regelnummer]
Dat daer maken die scone vrouwen
Dat verblijt mi in rechter trouwenGa naar margenoot+
In mijn herte nu ter stede,
So dat ic al mine onvrede
Daer met vergat ende daer af sprac.
1590[regelnummer]
En verstaet hier in engenen lac,
Al blevic gerne hierop lange,Ga naar margenoot+
Ens niemen so sere in bedwange,
Opdat hi goeder nature ware,
Ende hordi spreken dusdaen mare
| |
[pagina 60]
| |
1595[regelnummer]
Hine souder doch yet af verbliden.
Swaer so es mi nu ten tidenGa naar margenoot+
Dit te laten om ander saken.
Ay, niemen neme hieraf wrake,
Dat ic hier af secge dus vele.
1600[regelnummer]
En es [m]aer als tenen bispeleGa naar voetnoot1600
Dat ics so vele secge ter stat,Ga naar margenoot+
Om dat hem die vrouwe[n] te bat
[V]oren selen, die dit lesen.Ga naar voetnoot1603
Ic late dit aldus nu wesen,
1605[regelnummer]
Ende scelt hier quite al te male.
Die keyser dede, nu alte waleGa naar margenoot+Ga naar voetnoot1606-1609
Ontfaen was in dese stede,
Ende alle sine liede oec mede,
Van alden genen die daer waren.
1610[regelnummer]
En hadt gedaen die rouwe twaren
Ga naar margenoot+ Die hi hadde gehadt van desen,Ga naar margenoot+
Die bliscap te mere gewesen,
Dus bleef hi licgende in die stat.
Nu sele wi secgen ander dinc,
1615[regelnummer]
Diewile dat rest die coninc.
|
|