Spiegel historiael. Vijfde partie. Deel 3
(1938)–Lodewijk van Velthem–Hoe hi Bri[t]s belach ende die van Pergama hem navolgeden .xiii.Dus es die strijt vortgetogen.
Alse een here wel vermogen
Met sinen scaren te Britsward
Stoutelike ende onvervard
815[regelnummer]
Toech licgen vore die stat.Ga naar margenoot+
U ne mochte niemen getellen dat
Hoe coenlike alle die heren
Mettesen keyser daerwerd keren,
Men sach daer nie versaechden man.
820[regelnummer]
Doe hi der stat quam anGa naar margenoot+
Logierde hi daer met sinen here
Om te weten wies hi gere
Hadden metter stat te doene.
Daer werd ontboden den keyser coene
825[regelnummer]
Datmen der stat hem niene gave,Ga naar margenoot+
Ende dat hi haestelike trocke ave,
Ocht si soudent met crachte saen
Van der stat met scanden doen gaen.
‘Alles dies mi God wil geven
830[regelnummer]
Salic ontbeiden hier beneven’Ga naar margenoot+Ga naar voetnoot830
| |
[pagina 33]
| |
Sprac die keyser, ‘en vlie u niet.
Om u gedreech, wats gesciet,
Ic sal die stat eer hebben mede
Eer ic meer van hier scede,
835[regelnummer]
Of ic bliver voren doet.’Ga naar margenoot+
Ga naar margenoot+ Aldus hi hem weder ontboet.
Na desen doene, sonder waen,
So dede die keyser weder s[t]aen
Sine blide[n] ende sine pederieren,Ga naar voetnoot839Ga naar voetnoot839
840[regelnummer]
Om opdie stat te s[cer]mescieren.Ga naar margenoot+Ga naar voetnoot840
Ende die van binnen oec daer weder
Rechte haer engienen op ende neder
Jegen daer dat hem lach nu.
Ende hierenbinnen, dat secgic u,
845[regelnummer]
Quamen die van Pergama,Ga naar margenoot+Ga naar voetnoot845
Ende volgeden den keyser heymelijc na
Ende wilden dus op hem riveleren.Ga naar voetnoot847
Nochtan so hadden dese heren
Hem daer vore opgegeven,
850[regelnummer]
Behouden der stat ende haer leven,Ga naar margenoot+
Ende dit heeft toebracht mede
Tybaut ende Brisant met behendicheden,Ga naar voetnoot852
| |
[pagina 34]
| |
Die here es van Brits der stat.
Doen die keyser voor Pergama sat,
855[regelnummer]
Quam hi den keyser spreken daer,Ga naar margenoot+
Ende gaf hem op ende seide daernaer
Dat hi hem Brits opgeven soude.
Die keyser geloefde desen boude
Ende dede hem grote ere daer.
860[regelnummer]
Doen hijs scade hadde daernaer,Ga naar margenoot+
So sprac Tybaut der steden an
Van Pergama, ende seiden dan:
‘Dese, mach hi keyser werden,
Hi sal ons onder sine voete terden,
865[regelnummer]
Want die Duutsce die sijn fel.Ga naar margenoot+
Ic soude ons hier op raden wel,
Dat wise souden alle verslaen.
Ic hebbe den keyser doen verstaen
Dat icken sal doen laten in
870[regelnummer]
Te Br[i]sse. Maer, meer no min,Ga naar margenoot+
Sone mach hi niet daer in comen,
Woudi des met ons begomen.’
Alsi verloren hadden die stat,
Dat hi hem saen volget na dat
875[regelnummer]
Ende ginc hem van achter an,Ga naar margenoot+
Ende wi van voren quamen dan
Aldus en mochtse niet ontgaen,
Sine bleven doet ofte gevaen.
Dit loefden die van Pergama
880[regelnummer]
Ende sworent te doen oec daerna.Ga naar margenoot+
|
|