Spiegel historiael. Vijfde partie. Deel 3
(1938)–Lodewijk van Velthem–
Auteursrecht onbekendVan tempeeste die gescieden in desen tiden .vii.Doe men screef ons heren iaer
.xiii. hondert ende .x. daernaer,
415[regelnummer]
Gesciede in Brabant scade swaer.
Loven een half milen naer
So stocket een weder op, alsemen hort,Ga naar margenoot+Ga naar voetnoot417
Recht tot Vilvorden vort
Ende oec uutwerd dat gaet
420[regelnummer]
Tote Vrouwen Perreke, da[t] verstaet.Ga naar voetnoot420
Dit was wel ene mile breet
Ende drie lanc dat dore geetGa naar margenoot+
| |
[pagina 18]
| |
Dit weder, dat so vreeslijc was,
Dat niet bleef, sijt seker das,
425[regelnummer]
Noch rogge, noch enigerhande coren,
Ende bleef altemale verloren
Met enen hagel, die was so groet,Ga naar margenoot+
Dat noyt man sach dies genoet.
Het donderde so vreselike
430[regelnummer]
Met so groten wederlike,Ga naar voetnoot430
Dat elken dochte, sijt seker das,
Dattie hemel ontsteken was.Ga naar margenoot+
Men horde daer oec in die lucht,
Daer menich af was sere geducht,
435[regelnummer]
Want dat geruchte was so sware,
Oft in die lucht een strijt ware.
Dit begonste na die noene,Ga naar margenoot+
Ende duerde also in desen doene
Toter vespertijt wel vord.
440[regelnummer]
(H)Elre hebbic oec verhord
Dat dit weder scade dede,
Want bi Tricht so hordemen medeGa naar margenoot+Ga naar voetnoot442
Des gelijcs in die lucht.
Maer die scade ende die vrucht
445[regelnummer]
En was daer niet so groet,
Dat mense yet geliken moet
Die scade die bi Loven was.Ga naar margenoot+
Maer nochtan, sijt seker das,
Ga naar margenoot+ Was daer dat coren verslagen sere,
450[regelnummer]
So dats menich daer hadde dere.
Te Hoye was oec een hagel groet,Ga naar voetnoot451
Die den lieden daer dede noet,Ga naar margenoot+
Want daer werd die vrucht al doe
Sere verloren, ic secge u hoe:
| |
[pagina 19]
| |
455[regelnummer]
Metten hagel quam een wint,
Die appel ende peren daer omtrint
Ende dander oeft al sloech,Ga naar margenoot+
Ende den corne dede ongevoech
Metten hagel die mede vel,
460[regelnummer]
Die swaer was ende herde fel.
In Vrancrike gesciede oec mede,
Bi Mompelgier ende oec an ander stede,Ga naar margenoot+Ga naar voetnoot462
Scade groet in deser tijt,
Van tempeeste, des seker sijt,
465[regelnummer]
Wijngaerd, vrucht ende coren
Werd daer te vele steden verloren.
In Ingelant ende in YrlantGa naar margenoot+
Was dit weder oec becant,
Ende dede daer scade te selker stat.
470[regelnummer]
Sekerlike ic houde wel over dat:
Dat ute waren doe gelaten
Die quade geeste, want utermatenGa naar margenoot+
Vele gesciede tempeest overal,
Die ic hier niet vertrecken sal,
475[regelnummer]
Want het waer mi ongereet.
Nu willic u vort dat ondersceetGa naar voetnoot476
Van den keyser doen verstaen,Ga naar margenoot+
Hoe sine sticken selen gaen.
|
|