Spiegel historiael. Vijfde partie. Deel 1
(1906)–Lodewijk van Velthem–
Auteursrecht onbekendNoch van hem ende vanden grave. xxxvi.Ga naar voetnoot+2675[regelnummer]
Nu bleef die coninc liegende daer,
Want hem goet dochte vorwaer
Dat si hem aysieren ginder:
Daer hadden bliscap mere ende minder
Ende daden hem te gemake.Ga naar margenoot+
2680[regelnummer]
Si vonden daer alder hande sake
Van alre tieren spise genoech,
Het was daer scone int gevoech.
Ende oec waest daer seker logieren,
Want van achter in gere manierenGa naar margenoot+
2685[regelnummer]
En mochtmen hem daer comen toe,
Vanden water dat liep alsoe;
Ende oec van in beiden siden
Sone mochtemen niet bestriden,
Om grote montaengen die daer stoeden:Ga naar margenoot+
2690[regelnummer]
Hine dorste hem mar van vore hoeden.
Dus lach hi daer ene wile;
Mar die grave, die sonder gile
Ga naar margenoot+ Op dander side vorward reet,
Ende optie Turke altenen streetGa naar margenoot+
2695[regelnummer]
Die hi daer vor hem vant,
Het ginc hem nu qualike in hant.
| |
[pagina 363]
| |
Want al die lande keerden saen.
Ende wilden hem allene bestaen
Met verraetnessen heymelike.Ga naar margenoot+
2700[regelnummer]
Ende alsi dan in deser gelike
Hem hadden onder gedaen,
So wilden si den coninc bestaen.
Om dit ward echt .i. bode gesent,
Om heymelike te doene tgent,Ga naar margenoot+
2705[regelnummer]
Vanden ouden Veteles saen.
Die hem met letteren dede verstaen,
Dat hi hem dlant doen winnen soude;
Ende hi bat hem op sine houde,
Dat hijt nieman dade bekintGa naar margenoot+
2710[regelnummer]
Die letteren die hi hem had gesint.
Want liet hijt yeman verstaen,
Het mocht licht an sijn lijf gaen;
‘Ic saelt heymelijc al toe bringen.
Alsic toe bracht hebbe die dingen,Ga naar margenoot+
2715[regelnummer]
Dan salic u senden enen bode;
Ende die en laet om gene node
Niemen spreken, dan u allene.’
Dus spraken die letteren gemene;
Ende dit was verraetnes, godweet,Ga naar margenoot+
2720[regelnummer]
Daer die coninc niet af ne weet.
Ende binnen desen dat gesciede, dat
Die neve entie oem, die gehat
Hadden geweest lange vorwaer,
Daden die heren versoenen daerGa naar margenoot+
2725[regelnummer]
Al heymelike, sonder waen,
Dats die coninc niet soude verstaen;
| |
[pagina 364]
| |
Noch oec die grave, dat verstaet.
Die daer op hadde toeverlaet
Omdat hi waende, dat si soudenGa naar margenoot+
2730[regelnummer]
Metten coninc pertie houden
Jegen Salaphas gereet.
Hier af die grave nu niene weet;
Ende was wel na gevaren te verre
Op desen troest. Want sonder merre,Ga naar margenoot+
2735[regelnummer]
Alse sciere alst versoent was,
Quamen die van Sarken na das
Ende bestonden den grave van achter,
Die hem jegen desen lachter
Niene hoetde. Doe hi sach dit doen,Ga naar margenoot+
2740[regelnummer]
Wisti wel dat was traysoen,
Ende maectem over side ter straten
Daer hi den coninc had gelaten.
Ga naar margenoot+ En haddi aldus niet gedaen,
Hine waer van daer niet ontgaen.Ga naar margenoot+
|
|