Spiegel historiael. Vijfde partie. Deel 1
(1906)–Lodewijk van Velthem–
Auteursrecht onbekendVan dingen die gescieden. xxi.In desen tiden recht omtrint
So donderet vreselijc te Gint,
1640[regelnummer]
Dat die stat [daer] af verwagede,
Daer hem menige af versagede;
Ende daer na quam ene blixeme groet,Ga naar margenoot+
Die hem .ij. verbernde albloet
Opten wech in desside Gent,
1645[regelnummer]
Die niet en waren daer bekent.
In desen tiden, hebbic verstaen,
So was die sonne oec vergaen.Ga naar margenoot+
Te vespertide gesciede dat.
Het werd so donker opter stat
1650[regelnummer]
Datmen niet en conde gesien;
Dat geduerde wel na dien
Ene halve mile te gane daer,Ga naar margenoot+
Eer mensi weder sach daer naer.
Men seide oec na desen dingen,
1655[regelnummer]
Dattie kerstine onder gingen,
Ende dat was waer. In dien tiden
Waren vergadert in beden sidenGa naar margenoot+
| |
[pagina 322]
| |
Kerstine ende heiden .i. groet deel.
Ende die kerstine waren in enen casteel
1660[regelnummer]
Som gejaget, die mochten ontgaen,
Ende dandere alle, sonder waen.
Dier wel .iij. dusent was,Ga naar margenoot+
Bleven doet vordien pas.
Ende .ijm. ontginger wel
1665[regelnummer]
Dient namaels qualike gevel;
Want die casteel ward belegen
Ende si worden daer in verslegen.Ga naar margenoot+
Aldus geviel daer die dinc
Datter noyt .i. ontginc.
1670[regelnummer]
Ga naar margenoot+ Mar dit was niet der sonnen scout:
Hets truffe datmen daer of hout;
Alse comt die tijt datsi ontfeet,Ga naar margenoot+
Daer af eest dat si ve[r]geet;
Ende die gelijc so doet die mane
1675[regelnummer]
Alse si es in haren ontfane.
An dit en es te houden niet
Dat hier af comt enich verdriet.Ga naar margenoot+
In dit jaer dat dit dus was
Daer ic hier te voren af las,
1680[regelnummer]
Geviel in Brabant, ende oec mede
In Henegouwe, in ander stede,
Dat die sceperen dat cruce namenGa naar margenoot+
Ende van vele landen te gader quamen,
Ende lieten haer scape staen upt velt.
1685[regelnummer]
Dus waendense met hare gewelt
| |
[pagina 323]
| |
Theylich graf hebben gewonnen.
Daer sijn si alle hene geronnenGa naar margenoot+
Tot daer men scepinge soude doen.
In weet hier af en geen ocsoen;
1690[regelnummer]
Mar men wiste noyt een twint
Waer daer enich ontquam sint.
Dus worden si verloren al.Ga naar margenoot+
In weet daer af niet tgetal,
Mar vele waser, wetie wel.
1695[regelnummer]
In desen tiden oec gevel
Den coninc Philipse van Vrancrike,Ga naar voetnoot1696-1697
Coninc Lodewijcs sone sekerlike,Ga naar margenoot+
Dat hi sende over mere
Jegen die Sarrasine ter were
1700[regelnummer]
.I. groet deel van sinen lieden,
Dies hi verdiende an hem met mieden.
Wantmen lietem daer verstaen,Ga naar margenoot+
Dat hi van rechte, sonder waen,
Sculdich waer nu .i. vard:
1705[regelnummer]
Want sint dat sijn vader ward
Begraven, sone heeft hi gene gedaen.
Doemen hem dade dit verstaen,Ga naar margenoot+
Sindi daer ward met scatte groet,
Ridders, serjante ende enapen goet;
1710[regelnummer]
Mar selve waer hi gevaren met,
Mar siecheit hevet hem belet.
| |
[pagina 324]
| |
Nu geviel oec sonderlingeGa naar margenoot+
Ene harde grote werringe
Tusscen Ludeke ende Brabant.
1715[regelnummer]
Die van Ludeke hebben verbrant
Op Brabant wel .vij. huus.
Hier om worden sere confuusGa naar margenoot+
Die optie mersce wonen daer
Ende senden ten hertoge vaste naerGa naar voetnoot1719
1720[regelnummer]
Ga naar margenoot+ Janne, die doe cleine was.
Sijn raet onderwant hem das
Ende vorden den hertoge daer int here.Ga naar margenoot+
Die viande bleven optie were,
Tote dattie hertoge daer quam,
1725[regelnummer]
Ende datmen [dach] ten pèrlemente nam.
Ende doe tperlement qualike sciet,
En bleef daer ander viande niet,Ga naar margenoot+
Sine vloen alle wech ter vard.
Int leste den hertoge gebetert ward,
1730[regelnummer]
So dat hi van danen sciet
Sonder toren ende verdriet.
|
|