Spiegel historiael. Vijfde partie. Deel 1
(1906)–Lodewijk van Velthem–
Auteursrecht onbekendVan roefhusen die bander side Erforden staen. iij.In desen tiden, als gi horen moget,
Waren jonge liede, als gi hoget,
Opcomen ende gewassen
Die hem ter doget niet lieten passen:
105[regelnummer]
Sine micter op no hadden sorgeGa naar margenoot+
Ende dese liede hadden vaste borge.
Daer si sere stout op waren.
Ga naar margenoot+ Om dit en wildense niemen sparen
Sine rovedent al dat si vonden.
110[regelnummer]
En dorste niemen te dien stondenGa naar margenoot+
Achter straten gaen no riden,
Die van buten waren, tien tiden.
Want lant, alsic seide ere,Ga naar voetnoot113-116
Hadde lange gestaen sonder here.
115[regelnummer]
Dat si genen coninc vor waerGa naar margenoot+
En hadden gehad in menich jaer,
Om dit waren si worden quaet
Dese[n], diere ten rike [nien] bestaet,
| |
[pagina 257]
| |
Ende was Ridsard coninc vorwaer,
120[regelnummer]
Ende roveden hier ende daer.Ga naar margenoot+
Sine wildens om hem niet ave slaen
Van dat si daer vormaels hadden gedaen;
Sine lietens niet dor sine wegen,
Sine wilden hare seden plegen.
125[regelnummer]
Nochtan dedi hier omme pineGa naar margenoot+
Om dit af te doen in scine.
Som dedijt af gerede,
Ende som so ontsach [hi] mede.
Mar dese daer ic nu af seide,
130[regelnummer]
Bleven in hare quaetheide,Ga naar margenoot+
Ende roveden ende namen dat si vonden.
Nu quamen pelgrime tenen stonden,
Die tAken gingen haer bedevard;
Ende waren bestrict op die vard,
135[regelnummer]
So dat si beroeft worden alGa naar margenoot+
Toten hemde, groet ende smal,
Ende toter broec[.], die was besocht
Oft siere yet in hadden brocht.
Dus waren si beroeft aldaer;
140[regelnummer]
Nochtan haer bedevart over waerGa naar margenoot+
En wilden si achter laten niet.
Dor al dat si hadden verdriet.
Het was inden oest ende was waerm,
Si baden onser Vrouwen daer af ontfaerm,
| |
[pagina 258]
| |
145[regelnummer]
Ende gingen haer bedevard alsoe.Ga naar margenoot+
Onse Vrouwe maketse int herte vroe.
Ende halp hem dat si quamen te hare,
Daer si toe hadden groten gare.
Noch ander pelgrime tsame[n]
150[regelnummer]
Die uut Sassen daer ward quamen.Ga naar margenoot+
Waren van hem oec geroeft
Ende al genomen, dies geloeft,
Dat si hadden, clein no groet.
Ende dese keerden weder sonder noet.
155[regelnummer]
Ende lieten haer bedevard varen.Ga naar margenoot+
Om dat si dus beroeft waren.
Dus lieten dese quadien quaet
Ga naar margenoot+ Niemen liden, dat verstaet.
Noch pelgrime noch ander liede,
160[regelnummer]
Daer si an weten enige miede.Ga naar margenoot+
Sine rovent al groet ende cleine.
Ende vorent al op hare steine.
TErfforden quamer af dicke clage;Ga naar voetnoot163
Mar si hadden daer binnen mage,
165[regelnummer]
Die beste geborende vander stat,Ga naar margenoot+
Die altoes ontsloegen dat,
Soe datmer niet toe dede.
Om dit warense te quader mede,
Ende nament al op, sonder waen,
170[regelnummer]
Waer dat sijt conden begaen.Ga naar margenoot+
|
|