Spiegel historiael. Vijfde partie. Deel 1
(1906)–Lodewijk van Velthem–
Auteursrecht onbekendVan broeder Ysewine ende sinen prediken. xxxi.In desen tiden was becant
2275[regelnummer]
In Aelmaengen ende oec in Brabant,
Een die hiet broeder Ysewijn.
Goet clerc mochti wel sijn:
Dat proeftmen wel an sine dinge,Ga naar margenoot+
Die hi seide, oec sonderlinge.
| |
[pagina 142]
| |
2280[regelnummer]
En lettel willics u doen verstaen
Waer hi met omme wilde gaen.
Prediken haddi genomen an,
Ende hine liet om wijf no om manGa naar margenoot+
Hine seide al dat hem dochte recht.
2285[regelnummer]
Ende wat den lieden gebrac echt,
Dit seidi al in sijn sermonen.
En gene dinc wildi versconen,
Hine seide alsoe alst soude wesen.Ga naar margenoot+
Irst werf was hi gemint van desen
2290[regelnummer]
Van alden lieden, arm ende rike;
Ende quamen tsinen sermone gelike,
Alse oft hi een prophete ware,
Ende hi, die siere materien al dareGa naar margenoot+
Navolgede ende dede verstaen
2295[regelnummer]
Waer met die liede omme gaen,
Ende op elc die waerheit seide
Wat hem daer af soude comen te leide,
Ende hi ontbant aldus die waerde:Ga naar margenoot+
‘O wi, ghi vule persemaerde!
2300[regelnummer]
Ghi woekers! Ghi vorcopers met!
Ghi die oec te dage set
U goet ende u comenscap laet lopen,
Ende daer omme wilt te diere vercopen!Ga naar margenoot+
O wi! Waer seldi, ghi gesellen?
2305[regelnummer]
Ic segt u bloet: alle ter hellen!
Ende die anders doet verstaen,
Bedriegt u ende hem, sonder waen.
Fi, gi persemard! Wat pensdi,Ga naar margenoot+
Dat gi aldus waent leven, ghi?
| |
[pagina 143]
| |
2310[regelnummer]
Enten liede thare ontpicken?
Ghi moet mede in die stricken,
Daer ghi na poget vroech ende spade
Want gi sijt comen vanden sadeGa naar margenoot+
Dattie duvel heeft gesayt
2315[regelnummer]
Ay! dat gi so wide sijt gesprayt,
Dat moet leet sijn onsen Here
Ende moet u setten in beteren kere.’
Alsi dus hadde versproken doeGa naar margenoot+
Ga naar margenoot+ Die persemiere, sprac hi toe
2320[regelnummer]
Den andren volke van allen manieren.
Wat ambocht dat si oec antieren,
Daer af seidi haer mesdoen.
Ende daer na indi sijn sermoen,Ga naar margenoot+
Optie onnosele, mate liede,
2325[regelnummer]
Die noch om rijcheit no om miede
Niet en micken; en waer alsoe,
Dat hem met pinen quamen toe,
Daer si die ziele niet met besmetten.Ga naar margenoot+
Dese prijsdi boven alle wetten.
2330[regelnummer]
Dus predicti so vele hier af,
Datmen int leste niene gaf
Om sijn prediken, no om sijn leven.
Die mesdadich waren, hebben begeven;Ga naar margenoot+Ga naar voetnoot2333
Ende die haer quaetheit niet wilden laten,
2335[regelnummer]
Gingen den man hier om haten;
So dat hi in Aelmaengen was
Verdreven. Doen quam hi na das
Te Triecht; daer seidi die waerheit mede,Ga naar margenoot+Ga naar voetnoot2338
Daer was hi verdreven uter stede.
| |
[pagina 144]
| |
2340[regelnummer]
Te Lovene quam hi oec daer naer;
Mar dat was wel .xv. jaer
Na dat hi dit irste begonde;
Daer was hi oec onlange stonde,Ga naar margenoot+
Want hi ward daer oec onmare.
2345[regelnummer]
Doe ginc hi oestward daer nare.
|
|